5 قاڭتار كۇنى قىزىلوردا قالاسىنداعى جاپپاي تارتىپسىزدىك سالدارىنان پوليتسيا قىزمەتكەرلەرى جاراقات الىپ, ءبىر اسكەري قىزمەتشى اۋىر دەنە جاراقاتىمەن وقيعا ورنىندا قايتىس بولعان ەدى.
قىزىلوردا وبلىسى پوليتسيا دەپارتامەنتىنىڭ ءباسپاسوز قىزمەتى اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 99-بابى 2-بولىگىنىڭ 15-تارماعى (جاپپاي تارتىپسىزدىك كەزىندە ادامنىڭ قازا تابۋى) جانە 380-1-بابى 2-بولىگىنىڭ 5-تارماعى (اسكەري قىزمەتشىنىڭ ومىرىنە, باسقا ادامداردىڭ ومىرىنە قاۋىپتى تاسىلمەن قول سۇعۋ) بويىنشا سوتقا دەيىنگى تەرگەۋ باستالعانىن حابارلادى.
«ارنايى ءىس-شارالار ناتيجەسىندە پوليتسيا قىزمەتكەرلەرى ساربازدى ءولتىردى دەگەن كۇدىكپەن قىزىلوردا قالاسىنىڭ 31 جاستاعى تۇرعىنىن ۇستاپ, ۋاقىتشا ۇستاۋ يزولياتورىنا قامادى», دەپ اتاپ ءوتتى ۆەدومستۆونىڭ ءباسپاسوز قىزمەتىندە.
بۇگىنگى تاڭدا اتالعان ءىس بويىنشا تەرگەۋ جالعاسۋدا. «تەرگەۋ قۇپياسىنا بايلانىستى باسقا اقپارات جاريا ەتىلمەيدى», دەلىنگەن حابارلامادا.
