ەلىمىز كۇش-جىگەرىنىڭ وزەكتىلىگى اتالدى

قازاقستان رەسپۋبليكاسىنىڭ حالىقارالىق ۇيىمدار جانىنداعى تۇراقتى وكىلى ق.سارىباي ۆەنادا بۇۇ باس حاتشىسىنىڭ ورىنباسارى, بۇۇ ۆەناداعى بولىمشەسىنىڭ باس ديرەكتورى, بۇۇ ەسىرتكى جانە قىلمىس باسقارماسىنىڭ اتقارۋشى ديرەكتورى يۋ.فەدوتوۆقا سەنىم گراموتاسىن تاپسىردى. سۇحبات بارىسىندا يۋ.فەدوتوۆ ەسىرتكى, سىبايلاس جەمقورلىق جانە ۇيىمداسقان قىلمىسپەن كۇرەس ماسەلەلەرى بويىنشا قازاقستان رەسپۋبليكاسىنىڭ بۇۇ ەسىرتكى جانە قىلمىس باسقارماسىمەن (بۇۇ ەقب) ىنتىماقتاستىعىنا جوعارى باعا بەرىپ, قازاقستاننىڭ اۋعان ەسىرتكىلەرىمەن كۇرەسكە باعىتتالعان كۇش-جىگەرىنىڭ وزەكتىلىگىن اتاپ ءوتتى. تاراپتار ىنتىماقتاستىقتىڭ قازىرگى احۋالى جونىندە پىكىر الماسىپ, اۋعانستاندا زاڭسىز ەسىرتكى وندىرىسىنەن تونەتىن قاۋىپتەر تۇرعىسىنان ورتالىق ازيا ايماعىنىڭ قاۋىپسىزدىگىن كۇشەيتۋگە قازاقستاننىڭ قاتى­سۋىن, 2011-2014 جىلدارى اۋ­عان­ستان مەن كورشى ەلدەرگە ارنالعان ايماقتىق باعدارلامانىڭ ىسكە اسۋىن, الماتىداعى ورتالىق ازيا ايماقتىق اقپاراتتىق ۇيلەستىرۋ ورتالىعىنىڭ جۇمىسىن جانە بۇۇ سىبايلاس جەمقورلىققا قارسى كونۆەنتسياسىنىڭ ىسكە اسۋىنا شولۋ جاساۋ تەتىگىندەگى قازاقستاننىڭ ءرولىن تالقىلادى. سونداي-اق, ق.سارىباي اتوم ەنەرگياسى جونىندەگى حالىقارالىق اگەنتتىكتىڭ (ماگاتە) باس ديرەكتورى يۋ.امانوعا دا سەنىم گراموتاسىن تاپسىردى. ماگاتە باسشىسى يادرولىق تاراتپاۋ مەن قارۋسىزدانۋدىڭ جاھاندىق ۇدەرىسىندەگى قازاقستاننىڭ ءرولىن جوعارى باعالادى. ۋران ءوندىرىسى بويىنشا قازاقستان الەمدەگى جەتەكشى ورىنعا يە. قازاقستانمەن ىنتىماقتاستىق ماگاتە ءۇشىن ەرەكشە ماڭىزدى, ال قازىرگى ۋاقىتتا بىرقاتار جوبالار, سونىڭ ىشىندە, يادرولىق ەنەرگەتيكا, يادرولىق قاۋىپ­سىزدىك, ونكولوگيالىق اۋرۋلار­دى ەمدەۋ, راديولوگيالىق مونيتورينگ, كادر دايارلاۋ, قولدانبالى يادرولىق تەحنولوگيالاردى دامىتۋ جانە ت.ب. بويىنشا ەكىجاقتى ءوزارا ءىس-ارەكەتتىڭ جاندانا ءتۇسۋى بايقالۋدا. ق.سارىباي قازاقستان ما­گا­تە-مەن ىنتىماقتاستىعىن ودان ءارى كەڭەيتۋگە جانە نىعايتۋعا نيەت­تى ەكەنىن ءبىلدىردى. كەزدەسۋ بارى­سىندا ءوزارا قىزىعۋشىلىققا يە بول­عان كەڭ ماسەلەلەر شەڭبەرى بوي­ىنشا پىكىر الماسۋ ءجۇردى. «ەگەمەن-اقپارات».