مىندەتتەمەلەر ورىندالۋىمەن باعالى

جەنەۆادا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقباەۆ بۇۇ ادام قۇقىعى جونىندەگى كەڭەستىڭ 25-ءشى سەسسياسىنىڭ اشىلۋىنا قاتىستى. حالىقارالىق ۇيىمدار مەن بۇۇ-نىڭ مامانداندىرىلعان مەكەمەلەرى باسشىلارىنىڭ قاتىسۋىمەن وتكەن شارانى بۇۇ باس حاتشىسى پان گي مۋن اشتى. بۇۇ ادام قۇقىعى جونىندەگى كەڭەس سەسسياسىنا قاتىسۋشىلار الدىندا ءسوز سويلەگەن ە.اشىقباەۆ قازاقستاننىڭ 2013-2015 جىلدارعا كەڭەس مۇشەلىگى اياسىندا ونىڭ الدىنا قويعان باسىمدىقتارى مەن مىندەتتەرى تۋرالى ايتىپ ءوتتى. قازاقستاندىق ديپلومات قازاقستان رەسپۋبليكاسى ادام قۇقىعىن قورعاۋ جونىندەگى ورگان­داردىڭ حالىقارالىق جۇيە­سىنىڭ جاھاندىق ارحيتەكتۋراسىن نىعايتۋدى قولدايتىنىنا توق­تالدى. قازىرگى ۋاقىتتا الەمدىك ولشەمدە دە, وڭىرلىك ولشەمدە دە وقيعالار مەن قۇبىلىستاردى سىناي تالداۋدىڭ قاجەتتىلىگى تۋىپ وتىر. قازاقستاندىق دەلەگاتسيا باسشىسى بۇۇ ادام قۇقىعى جونىندەگى كەڭەس جۇمىسىنىڭ وعان مۇشە مەملەكەتتەردىڭ كەڭەس قىزمەتىنە سەنىمىن نىعايتۋ جانە تەڭ قۇقىلى ۇنقاتىسۋدىڭ ودان ءارى دامۋ سالاسىنداعى ستراتەگيالىق باسىمدىقتارىنىڭ ماڭىزدىلىعىن اتاپ ءوتتى. ە.اشىقباەۆ اتاپ كورسەتكەندەي, 2017-2018 جىلدارعا بۇۇ قاۋىپسىزدىك كەڭەسىنىڭ تۇ­راق­تى ەمەس مۇشەلىگىنە قازاق­ستان رەسپۋبليكاسىن ۇسىنۋ قازاق­ستاندىق تاراپتىڭ وزىنە جۇكتەلگەن حالىقارالىق مىندەتتەردى ورىنداپ كەلە جاتقاندىعىن كورسەتەدى. ە.اشىقباەۆتىڭ بۇۇ جوعار­عى كوميسسارىنىڭ بوسقىن­دار ءىسى جونىندەگى ورىنباسارى ا.الەي­نوكوففپەن, جەنەۆاداعى بۇۇ باسقارما ءوفيسىنىڭ گۋمانيتارلىق ماسەلەلەردى ۇيلەستىرۋ بويىنشا ديرەكتورى ر.حاليكوۆپەن جانە ۇلى­بريتانيانىڭ مەملەكەتتىك سىرتقى ىستەر ءمينيسترى ح.سۋايەرمەن ەكى­جاقتى كەزدەسۋلەرى ءوتتى. «ەگەمەن-اقپارات».