ۇستالعانداردىڭ 155-نە قاتىستى اكىمشىلىك, 50-نە قاتىستى قىلمىستىق ءىس قوزعالعان. تارتىپسىزدىككە قاتىسقانداردىڭ 40-50 پايىزى شىمكەنتتىكتەر بولسا, قالعانى قازاقستاننىڭ باسقا ايماقتارىنان كەلگەنى انىقتالدى.
«بەيبىت شەرۋ رەتىندە باستالىپ, تارتىپسىزدىككە ۇلاسقان نارازىلىق اكتسياسى كەزىندە 17 ءتارتىپ ساقشىسى ءتۇرلى دەڭگەيدە جاراقات العان. ءتورت ادامنىڭ جاعدايى اۋىر, قازا بولعاندار تىركەلمەگەن. سونىمەن قاتار, 57 پوليتسيا اۆتوكولىگى تولىق جانىپ كەتكەن. بۇگىندە مادەني نىساندار مەن شاعىن بيزنەسكە كەلتىرىلگەن شىعىن كولەمى ناقتىلانۋدا. الداعى 10 كۇندە بەلگىلى بولىپ, ۇكىمەتتە قۇرىلعان ارنايى كوميسسياعا ۇسىنامىز», دەدى قالا اكىمى مۇرات ايتەنوۆ.
