وسى ورايدا, ەلدەگى قالىپتاسقان جاعداي جانە قابىلدانىپ وتىرعان شارالار تۋرالى مەملەكەت باسشىسى ق.ك.توقاەۆ كۇنى كەشە حالىققا ءوزىنىڭ ۇندەۋىن جاريالادى. پرەزيدەنت بۇل ءىس-ارەكەتتەردىڭ اسكەري دايىندىعى مىقتى, ارنايى جاتتىقتىرۋدان وتكەن جانە بەلگىلى ءبىر باسقارۋ پۋنكتى ارقىلى باسقارىلاتىن ىشكى جانە سىرتقى قارۋلى لاڭكەستەر تاراپىنان جاسالىپ وتىرعاندىعىن مالىمدەدى. سول سەبەپتەن دە, قازاقستان ۇجىمدىق قاۋىپسىزدىك تۋرالى شارت ۇيىمىنا قاتىسۋشى مەملەكەتتەردەن كونستيتۋتسيالىق ءتارتىپتى قامتاماسىز ەتۋ ماقساتىندا بىرىكتىرىلگەن بىتىمگەرلىك كۇش ەنگىزۋدى سۇرادى. بىرىكتىرىلگەن بىتىمگەرلىك كۇش قازاقستانداعى جاعداي تۇراقتاندىرىلعانعا دەيىن قىسقا مەرزىم ارالىعىندا جۇمىس ىستەيتىنىن ايتتى. سونىمەن قاتار, پرەزيدەنت كەيبىر ايماقتاردا ينتەرنەتتىڭ ءىشىنارا ىسكە قوسىلاتىنىن, بىراق ونىڭ جالعان دەرەكتەر ورنالاستىرىپ, ەلدەگى تۇراقتىلىقتى بۇزۋعا باستايتىن اقپاراتتار تاراتۋ, ارانداتۋ ءۇشىن پايدالانۋعا قاتاڭ تىيىم سالىناتىنىن, ونداي جاعدايدا ارانداتۋشىلار انىقتالىپ, ولارعا جازا قولدانىلاتىنىن جەتكىزدى. ق.ك.توقاەۆ وڭىرلەردەگى توتەنشە جاعدايدىڭ كەزەڭ-كەزەڭىمەن الىناتىنىن ايتىپ, حالىققا, ونىڭ ىشىندە ستۋدەنتتەرگە ب ۇلىكشىلەردىڭ ارانداتۋىنا ەرىپ كەتپەي, تىنىشتىقتى ساقتاۋعا, ساياسي تۇراقتىلىقتى قامتاماسىز ەتۋگە قوسقان ۇلەسى, سانالى ازاماتتىق ۇستانىمدارى ءۇشىن ەرەكشە ريزاشىلىعىن ايتىپ, ۇلكەن العىسىن ءبىلدىردى. وسى ورايدا ماقتاارال اۋدانى, كەنتاۋ قالاسى تۇرعىندارىمەن كەزدەسۋ وتكىزۋ بارىسىندا ەلدى اۋىزبىرشىلىك پەن ىنتىماققا شاقىرعان قازىنالى قارتتارىمىز بەن ونەگەلى ورەندەرىمىزگە, جالپى وبلىسىمىزدىڭ بارلىق اۋداندارى مەن قالالارىنىڭ حالقىنا ب ۇلىكشىلدىككە بوي بەرمەي, قوعامدىق ءتارتىپتى ساقتاۋعا اتسالىسقانى ءۇشىن شىنايى العىسىمدى بىلدىرەمىن. ءوڭىر باسشىسى ءو.ە.شوكەەۆ باستاعان ءتيىستى قۇرىلىمدار مەن وبلىستىق ءماسليحات دەپۋتاتتارى قالىپتاسقان جاعدايدى تۇراقتاندىرۋ, حالىقتى تولعاندىراتىن پروبلەمالىق ماسەلەلەردى شەشۋ جونىنەن ءبىرىزدى جۇمىستار جۇرگىزە بەرەتىن بولادى. قادىرلى اعايىن, لاڭكەستىكپەن بايلانىستى ەل باسىنا كۇن تۋعان قايعىلى ساتتە پرەزيدەنتىمىز حالىقپەن بىرگە بولىپ, الەۋمەتتىك-ەكونوميكالىق پروبلەمالار مەن حالىقتىڭ مۇڭ-مۇقتاجىن قاناعاتتاندىرۋ جونىنەن كۇردەلى رەفورمالار مەن قاجەتتى شارالار كەشەنىن قابىلدايتىندىعىن جەتكىزدى. از ۋاقىتتا قابىلدانعان شارالار ءوز ناتيجەسىن بەرەرى ءسوزسىز. ءالى-اق وتانىمىز - قازاقستان قارىشتاپ داميتىن بولادى. ءبىز بارشا حالىق بولىپ مەملەكەت باسشىسىنىڭ ۇندەۋىنە قۇلاق اسىپ, قاستەرلى ەلىمىزدە تىنىشتىق پەن بەرەكەلى ءومىر ورناتۋ ىسىندە قولداۋ كورسەتۋىمىز اسا ماڭىزدى. سىن ساعاتتا حالقىمىزعا ءتان بيىك پاراساتتىلىق پەن دانالىعىمىزدى كورسەتە بىلەيىك, اعايىن!
تۇركىستان وبلىستىق ءماسليحاتىنىڭ حاتشىسى قايرات راحىم ۇلى بالابيەۆ
