«الماتىدا پوليتسيانىڭ ارنايى جاساعى جۇرگىزگەن وپەراتسيا بارىسىندا «ديكي ارمان» دەگەن لاقاپ اتپەن تانىمال ارمان جۇماكەلديەۆ باستاعان قىلمىستىق توپتىڭ 6 وكىلى ۇستالدى», دەپ حابارلادى ۆەدومستۆونىڭ ءباسپاسوز قىزمەتى.
قر ءىىم-ءنىڭ دەرەگىنشە, قىلمىسكەرلەر ولاردى ۇستاۋ كەزىندە قارسىلىق كورسەتۋگە تىرىسقان.
«الايدا, پوليتسيانىڭ تاباندى ارەكەتتەرىنىڭ ناتيجەسىندە قىلمىسكەرلەر ويلاعان ماقساتىنا جەتە المادى. ۇستاۋ بارىسىندا كۇدىكتىلەردەن ماركالارى مەن كاليبرى ءارتۇرلى 4 جارتىلاي اۆتوماتتى تاپانشا جانە ولاردىڭ وق-دارىلەرى, سۋىق قارۋ مەن بروندالعان اۆتوموبيل الىندى», دەپ ناقتىلادى مينيسترلىك وكىلدەرى.
ايتا كەتەيىك, بۇگىن مەملەكەت باسشىسى قاسىم-جومارت توقاەۆ قازاقستان حالقىنا ۇندەۋىندە الماتى, اقتوبە قالالارى مەن الماتى وبلىسىنداعى جاعداي قالپىنا كەلتىرىلگەنىن اتاپ وتكەن ەدى.
