نۇر-سۇلتاندا 1000-نان استام سپورت نىسانى بار

2021 جىلدىڭ قورىتىندىسى بويىنشا قالادا دەنە شىنىقتىرۋ جانە سپورتپەن جۇيەلى تۇردە اينالىساتىن 406 552 ادام قامتىلدى، بۇل تۇرعىنداردىڭ جالپى سانىنىڭ 33،08%-ىن قۇرايدى (2020 ج. – 340 459 ادام نەمەسە 29،7%)، 3،38%-عا ءوستى.

دەنە شىنىقتىرۋ جانە سپورت باسقارماسى 2021 جىل بويىنشا قالانىڭ ۆەدومستۆولىق باعىنىستى ۇيىمدارىمەن جانە فەدەراتسيالارىمەن بىرلەسىپ، 136 سپورتتىق ءىس-شارا وتكىزدى. ونىڭ 26-سى نەگىزگى وقيعالار. «COVID-19» ۆيرۋسىنا قاتىستى قالىپتاسقان جاعدايعا وراي 419 سپورتتىق جارىس وتكىزىلمەدى.

جاڭا بوكس ورتالىعىندا 500-دەن استام ادام سپورتپەن اينالىسا الادى

ەلوردادا بيىل العاش رەت بوكس ورتالىعى، كوركەم گيمناستيكا ورتالىعى، جەكپە-جەك ورتالىعى، جەكپە-جەك زالى اشىلدى. بۇل ورتالىقتاردا نۇر-سۇلتان قالاسىنداعى ۇلتتىق قۇراما جانە سپورت مەكتەپتەرىنىڭ بارلىق سپورتشىلارى ءۇشىن جاتتىعۋلار تەگىن ءجۇرىپ جاتىر.

جاڭا بوكس ورتالىعىندا 500-دەن استام، جەكپە-جەك ورتالىعىندا 1000-نان استام ادام ءبىر ۋاقىتتا سپورتپەن اينالىسا الادى.

نۇر-سۇلتان قالاسىندا 1016 سپورت نىسانى بار، ونىڭ ىشىندە: دەنە شىنىقتىرۋ جانە سپورت نىساندارى – 804، وقۋ ورىندارى – 215، سپورت مەكتەپتەرى – 9 (ونىڭ ىشىندە جەكە – 352). (2020 جىلى – 976 نىسان). مۇندا كۇنىنە 7000 مىڭنان استام ادام اينالىساتىن 32-گە جۋىق ءىرى سپورت نىسانى بار.

ەلوردادا قانداي سپورت نىساندارى بار:

1500 جانە ودان دا كوپ ورىندىق تريبۋنالارى بار ستاديوندار – 4;

سپورت سارايى – 5;

سپورت كەشەندەرى – 2;

قۇراما كوماندالاردى دايىنداۋ ورتالىقتارى – 2;

سپورت كەشەندەرى – 18;

سپورت الاڭدارى – 7;

شاڭعى بازاسى – 1;

ەسكەك ەسۋ بازاسى – 1;

ەسۋ كانالى – 1;

اتىس تيرلەرى – 21;

تير – 1; ۆەلوترەك – 1;

كونكي تەبۋ ستاديونى – 1;

حوككەي كورتتارى – 26;

تەگىس قۇرىلىمدار – 531;

تەننيس كورتى – 44;

يپپودروم 200 جانە ودان دا كوپ ورىندىق – 3;

باسسەيندەر – 27;

سپورت زالدارى – 272;

كىرىكتىرىلگەن زالدار – 48.

وتكەن جىلمەن سالىستىرعاندا بيىل سپورت نىساندارىنىڭ سانى 40 بىرلىككە ءوستى: 2 سپورت كەشەنى، 38 سپورت زالى.

نۇر-سۇلتان قالاسىندا جانە بۇكىل حالىقتىڭ جاپپاي دەنە شىنىقتىرۋمەن اينالىسۋىنا تەڭ قولجەتىمدىلىگىن قامتاماسىز ەتۋ ماقساتىندا ەلوردانىڭ ءتورت شەتىندە، اتاپ ايتقاندا، «كوكتال-2»، ء«وندىرىس»، «ۇركەر» جانە «تەمىرجولشىلار» ەلدى مەكەندەرىەدە ءتورت دەنە شىنىقتىرۋ-ساۋىقتىرۋ كەشەنىنىڭ قۇرىلىسى ءجۇرىپ جاتىر. ونىڭ ەكەۋى، اتاپ ايتقاندا «كوكتال-2» مەن ء«وندىرىس» ەلدى مەكەندەرىندە قۇرىلىس اياقتالىپ، قازىر وقۋ-جاتتىعۋ جيىندارى ءجۇرىپ جاتىر. «ۇركەر» مەن «تەمىرجولشىلار» سپورت كەشەنىنىڭ قۇرىلىسىن اياقتاۋ 2022 جىلدىڭ سوڭىنا جوسپارلانعان.

سپورتشىلاردى ىنتالاندىرۋ جۇمىسى

2021 جىلدىڭ قازان ايىنان باستاپ، ەلوردا سپورتشىلارىنىڭ اقشالاي قامتىلىم مولشەرى ءوستى.

وسى جىلدىڭ وقۋ جىلىنان باستاپ «دەنە شىنىقتىرۋ جانە سپورت» ماماندىعىنا 50 قالا اكىمىنىڭ گرانتى ءبولىندى.

وسىعان وراي، دەنە شىنىقتىرۋ جانە سپورت باسقارماسى تاراپىنان قالالىق ءماسليحات پەن قوعامدىق كەڭەسكە ۇسىنىس جاسالىپ، اتالعان ماسەلەنى قالا اكىمى التاي كولگىنوۆ قاراستىرا كەلە، اي سايىنعى تولەمدەردى ۇلعايتۋعا قولداۋ ءبىلدىردى. سونىمەن قاتار بۇعان دەيىن نۇر-سۇلتان قالاسىنىڭ قۇراما كومانداسىنا كىرەتىن تەك 84 سپورتشى اي سايىنعى تولەم الىپ كەلسە، ەندى ولاردىڭ سانى 176-عا جەتتى.