«ماڭعىستاۋداعى جاعداي بارشا ەلدى الاڭداتىپ وتىر. ماسەلە پرەزيدەنتىمىز قاسىم-جومارت كەمەل ۇلى توقاەۆتىڭ تولىق باقىلاۋىندا. مەملەكەت باسشىسىنىڭ تاپسىرماسىمەن ارنايى ۇكىمەتتىك كوميسسيا قۇرىلدى. بۇگىندە كوميسسيا وكىلدەرى وڭىرگە بارىپ, ءوز جۇمىسىن باستادى. ماسەلە ديالوگ نەگىزىندە شەشىلۋگە ءتيىس جانە پرەزيدەنتىمىز ايتقانداي, بارلىق تاراپتىڭ مۇددەسىن ەسكەرەتىن شەشىمگە كەلۋ ماڭىزدى», دەپ جازدى سەناتىنىڭ توراعاسى.
ماۋلەن اشىمباەۆتىڭ ايتۋىنشا, قازىرگى تاڭدا ماڭعىستاۋدان سايلانعان سەناتورلار دا سول وڭىردە ماسەلەنىڭ وڭ شەشىلۋىنە اتسالىسۋدا.
ء«بىز ەلدىكتىڭ ماڭىزدى مەجەسىندە تۇرمىز. تاۋەلسىزدىگىمىزدى كوزدىڭ قاراشىعىنداي ساقتاپ, ەگەمەندىگىمىزدى ودان ءارى نىعايتۋ - باستى مىندەتىمىز. كەز كەلگەن ماسەلەنىڭ شەشىمىن تابۋعا بولادى, ول ءۇشىن, ەڭ الدىمەن, جىلدار بويى قالىپتاسقان بىرلىگىمىز بەن تۇراقتىلىعىمىزعا سىزات تۇسىرمەۋ اسا ماڭىزدى», دەدى ماۋلەن اشىمباەۆ.
ەسكە سالا كەتسەك, مەملەكەت باسشىسى قۇرامىندا پرەزيدەنت اكىمشىلىگىنىڭ قىزمەتكەرلەرى بار ۇكىمەتتىك كوميسسيا اقتاۋدا جۇمىسقا كىرىسكەنىن مالىمدەپ, دەمونسترانتتار جاۋاپكەرشىلىك تانىتىپ, ديالوگقا دايىن بولۋعا ءتيىس ەكەندىگىن ايتتى.
