سەناتور جاڭا جىل قارساڭىندا اعاشتاردى زاڭسىز كەسۋ ماسەلەسى ەرەكشە وزەكتى بولىپ وتىرعانىن ايتتى. ونىڭ ايتۋىنشا, جازانىڭ قاتاڭداۋىنا قاراماستان, ەكولوگيا مينيسترلىگىنىڭ دەرەكتەرى بويىنشا, جىل باسىنان بەرى زاڭسىز 224 اعاش كەسۋ جاعدايى انىقتالعان.
اقىلبەك كۇرىشباەۆتىڭ پىكىرىنشە, ورمان شارۋاشىلىقتارىنىڭ ماتەريالدىق-تەحنيكالىق بازاسىنىڭ السىزدىگى, زاماناۋي سەلەكتسيالىق ورتالىقتار مەن ورمان تۇقىمى كەشەندەرىنىڭ جەتىسپەۋشىلىگى, سونداي-اق ورتپەن كۇرەسۋ جونىندەگى زاماناۋي اقپارات جۇيەسىنىڭ جوقتىعى قالىپتاسقان جاعدايدىڭ ورشۋىنە الىپ كەلدى.
«بۇگىندە بۇل سالاداعى ەڭ قيىن ماسەلە - كادرلارمەن قامتاماسىز ەتۋ. ەگەر 30 ميلليون گەكتارعا جۋىق اۋماقتا ورمان قورىن باقىلاۋدى تەك 147 ينسپەكتور جۇزەگە اسىرسا, ورمان رەسۋرستارىنىڭ ساقتالۋى تۋرالى نە ايتۋعا بولادى؟ ولاردىڭ سانىن بۇرىنعىداي كەمىندە ەكى ەسە كوبەيتۋ ۇسىنىلادى. قازىرگى ۋاقىتتا ولاردىڭ تەحنيكامەن قامتاماسىز ەتىلۋى ءنورماتيۆتىڭ 60%-نان اسپايدى. ورمانشىلاردىڭ ورتاشا جالاقىسى نەبارى 70 مىڭ تەڭگەنى قۇرايدى. جالپى, ورمان شارۋاشىلىعى قازاقستانداعى ەڭ تومەنگى جالاقى الاتىن سالا بولىپ تابىلادى», دەدى دەپۋتات.
