بالقاش كولىنەن زاڭسىز 1,5 توننا بالىق اۋلاندى

بالقاش كولىنەن زاڭسىز 1,5 توننا بالىق اۋلاعان ازامات قۇقىق قورعاۋ قىزمەتكەرلەرىنىڭ قولىنا ءتۇستى. بۇل تۋرالى «24 kz» حابارلادى. اتالعان كولدەگى بالىق قورىن كوبەيتۋ ماسەلەسىنە بايلانىستى جىل بويىنا وسى جەردەن بالىق اۋلاۋعا تىيىم سالىنعان-دى. ءبىر تاڭقالارلىعى, ۇستالعان كۇدىكتىنىڭ جەكە باسىن انىقتايتىن قۇجاتى دا بولماي شىقتى. «جەدەل ىزدەستىرۋ شاراسى كەزىندە بالقاش كولىنەن زاڭسىز 1,5 توننا بالىق اۋلاعان ازامات ۇستالدى. ودان تاركىلەنگەن بارلىق ايعاق زاتتار زەرتحاناعا جىبەرىلدى. قازىر كۇدىكتىگە قاتىستى تەرگەۋ امالدارى جۇرگىزىلۋدە», - دەيدى قاراعاندى وبلىستىق ىشكى ىستەر دەپارتامەنتى تابيعاتتى قورعاۋ پوليتسياسى ءبولىمىنىڭ باسشىسى بولات تاقىشەۆ. وتكەن جىلى قورشاعان ورتانى قورعاۋ ءمينيسترىنىڭ كەڭەسشىسى اينۇر قۋاتوۆا بالقاش كولىنە بايلانىستى مىناداي مالىمدەمە جاساعان بولاتىن: «حالىقارالىق ساراپشىلاردىڭ بولجامىنا جۇگىنسەك, بىزبەن ىرگەلەس قىتاي­دىڭ سۋعا دەگەن جىل سايىنعى سۇرانىسى 2030 جىلعا قاراي قازىرگى كۇنگى 555 ملرد.تەكشە مەتردەن 818 ملرد.تەكشە مەترگە دەيىن وسەتىنىن زەرتتەۋشى ماماندار بولجاپ بەر­دى. ال مۇنىڭ ءوزى بالقاش كولىن 80 پايىز سۋمەن قامتىپ وتىرعان ىلە وزەنى سۋىنىڭ كولەمى دە اناعۇرلىم ازاياتىندىعىن اڭ­عارتادى. مۇنداي ۇرەي­لى بول­جام بال­قاش ماسەلەسىن مەملەكەتارالىق دەڭگەي­دە شەشۋدى تالاپ ەتەدى». مىنە, وسىدان كەيىن مۇنداعى بالىق قورىن كوبەيتۋ ءىسى بولاشاقتا وتە كۇردەلى بولاتىنى اڭعارىلىپ تۇر. سوندىقتان تابيعات جاناشىرلارى كولدەگى بايلىقتى قورعاۋعا جۇمىلۋدا... ءامىرحان الماعانبەتوۆ. دەرەككوز: «24 kz». فوتو: «24 kz».