«ماينينگكە قاتىستى ايتساق, بۇل جۇمىستىڭ ءبارى «كەگوك» جۇيەلىك وپەراتورىنىڭ كۇشىمەن ىستەلىپ جاتىر. سولاردان العان اقپارات بويىنشا, شامامەن 120 مۆت ەلەكتر تۇتىنىپ وتىرعان ماينينگ فەرمالار اجىراتىلعان. بۇل نەگىزىنەن قازاقستاننىڭ وڭتۇستىگى دەپ ايتۋعا بولادى. ياعني, جامبىل, تۇركىستان وبلىستارى جانە پاۆلودار وبلىسى», دەدى ۆەدومستۆو باسشىسى.
ونىڭ ايتۋىنا قاراعاندا, ەنەرگيا تاپشىلىعى قاتتى سەزىلگەن كەزدەردە اشىق جۇمىس ىستەپ تۇرعان ماينينگ فەرمالاردى دا اجىراتۋعا تۋرا كەلۋدە.
«ال تەحنيكالىق شارت الىپ, اشىق جۇمىس ىستەپ جاتقان «اق ماينينگ» تۋرالى ايتساق, شامامەن 1 گۆت نەمەس 1 000 مۆت ەلەكتر تۇىتىنىپ وتىر. ونىڭ ىشىندە بەلسەندى تۇردە 700 مۆت قۋات تۇتىنىلۋدا.
«اق ماينەرلەر» بۇگىندە جۇمىس ىستەپ تۇر. قاراشا مەن جەلتوقسان ايلارىنىڭ باسىندا ولاردى دا اجىراتقان فاكتىلەر بولدى. اسىرەسە تۇتىنۋ شارىقتاۋ شەگىنە جەتكەن كەزدەردە. «كەگوك» وپەراتورىنان العان اقپارات بويىنشا, اشىق جۇمىس ىستەيتىن ماينينگ فەرمالار قازىر اجىراتۋسىز جۇمىس ىستەپ تۇر. ءتيىستى تەحنيكالىق شارت العان ماينەرلەر كەدەرگىسىز جۇمىس ىستەۋدە», دەدى ماعزۇم مىرزاعاليەۆ.
