وڭتۇستىكتە جاڭا ەكى ءوندىرىس اشىلدى

وڭتۇستىك قازاقستان وبلىسىنىڭ سايرام اۋدانىندا ءسۇت-ەت جانە كونديتەر ونىمدەرىن شىعاراتىن ءارى پوميدور وسىرۋگە ارنالعان جىلىجاي كەشەنى پايدالانۋعا بەرىلدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى. ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە ىسكە قوسىلعان العاشقى كاسىپورىندا جىلىنا 100 توننا ءسۇت ونىمدەرى جانە 100 توننا كونديتەر بۇيىمدارى, سونداي-اق 700 توننا ەت ونىمدەرى شىعارىلادى. ال اۋماعى 2 گەكتار بولاتىن جىلىجاي كەشەنىنەن جىلىنا 1200 توننا پوميدور الۋ جوسپارلانىپ وتىر. قازىر بۇل جەردە اۋىل تۇرعىندارى ەڭبەك ەتۋدە. وڭتۇستىك قازاقستان وبلىسىنىڭ كوكونىس ونىمدەرىن رەسپۋبليكا جۇرتشىلىعى تۇتىناتىنى بەلگىلى. سوعان قاراماستان, جەرگىلىكتى جەردە ازىق-ت ۇلىك قاۋىپسىزدىگىن قامتاماسىز ەتۋگە باعىتتالعان جۇمىستار ءوز ناتيجەسىن بەرۋدە. ءامىرحان الماعانبەتوۆ. دەرەككوز: وڭتۇستىك قازاقستان وبلىسى اكىمدىگىنىڭ ءباسپاسوز قىزمەتى. فوتو: وڭتۇستىك قازاقستان وبلىسى اكىمدىگىنىڭ ءباسپاسوز قىزمەتى.