ءشول دالادا جوعالىپ كەتكەن نەمىس ساياحاتشىسى تابىلدى

اۆستراليا پوليتسەيلەرى ەكى اپتادان استام ۋاقىت بۇرىن جوعالىپ كەتكەن نەمىس ساياحاتشىسىن تاپتى. بۇل تۋرالى Utro.ru حابارلادى. ساياحاتشى وسىنشاما ۋاقىت بويى ءشول دالادا اداسىپ ءجۇرىپ, اشتان ولمەس ءۇشىن قۇرت-قۇمىرسقالاردى قورەك ەتىپتى. اقپاننىڭ سوڭىندا دانيەل دۋدزيج ەسىمدى گەرمانيا ازاماتى اۆستراليانىڭ شىعىس بولىگىن جاياۋ ءجۇرىپ وتپەك بولىپ, جورىققا شىققان ەكەن. الايدا, ءشولدى ايماققا جەتكەن ول قۇمدى بۇرقاسىندا اداسىپ كەتكەن كورىنەدى. باسىنان وتكەن وقيعاعا قاراماستان, ساياحاتشى ءوز جورىعىن ءارى قاراي جالعاستىرۋدى جوسپارلاپ وتىر. بۇل جولى ول اۆستراليانىڭ سولتۇستىك بولىگىنە اتتانباقشى. نەمىس ساياحاتشىسى اۆستراليالىق دەبورا دە ۋيليامنىڭ جورىعىن قايتالاۋعا بەكىنگەن سەكىلدى. بىرنەشە جىل بۇرىن ەكىنشىسى مەلبۋرن قالاسىنداعى ۇيىنەن شىعىپ, ەلدى جاياۋ ارالاپ شىققان بولاتىن. مۇنداي ەكسترەمالدى ساياحاتقا ول ءبىر جىل ۋاقىتىن جۇمساعان ەكەن. ايدار ورىسباەۆ. دەرەككوز: Utro.ru. فوتو: Stormnews.ru.