قازاقستان رەسپۋبليكاسى پرەزيدەنتىنىڭ جارلىعى

 قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى

 قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا  سايكەس  قاۋلى ەتەمىن: 1. قازاقستان رەسپۋبليكاسى بايلانىس جانە اقپارات اگەنتتىگى ۇكىمەت قۇرامىنا كىرمەيتىن ورتالىق اتقارۋشى ورگان رەتىندە قۇرىلىپ, وعان: 1) قازاقستان رەسپۋبليكاسى كولىك جانە كوممۋنيكاتسيا مينيسترلىگىنەن بايلانىس, اقپاراتتاندىرۋ, مەملەكەتتىك كورسەتىلەتىن قىزمەتتەردى اۆتوماتتاندىرۋدى باقىلاۋ جانە حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ سالاسىنداعى; 2) قازاقستان رەسپۋبليكاسى مادەنيەت جانە اقپارات مينيسترلىگىنەن اقپارات, مۇراعات ءىسى جانە قۇجاتتاما سالاسىنداعى فۋنكتسيالار مەن وكىلەتتىكتەر بەرىلسىن. 2. قازاقستان رەسپۋبليكاسى مادەنيەت جانە اقپارات مينيسترلىگى قازاقستان رەسپۋبليكاسى مادەنيەت مينيسترلىگى ەتىپ قايتا قۇرۋ جولىمەن قايتا ۇيىمداستىرىلسىن. 3. قازاقستان رەسپۋبليكاسىنىڭ ۇكىمەتى: 1) مىنالاردى: قازاقستان رەسپۋبليكاسى مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىن; قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بايلانىس جانە اقپاراتتاندىرۋ كوميتەتىن; قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ كوميتەتىن تاراتۋدى; 2) وسى جارلىقتىڭ 1-تارماعىندا كورسەتىلگەن قازاقستان رەسپۋبليكاسىنىڭ مەملەكەتتىك ورگاندارىنىڭ شتات سانىن قايتا ءبولۋدى; 3) وسى جارلىقتى ىسكە اسىرۋ جونىندەگى وزگە دە قاجەتتى شارالاردى قابىلداۋدى قامتاماسىز ەتسىن. 4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىس پەن تولىقتىرۋ ەنگىزىلسىن: 1-تارماقتا: «قازاقستان رەسپۋبليكاسىنىڭ مادەنيەت جانە اقپارات مينيسترلىگى;» دەگەن جول مىناداي رەداكتسيادا جازىلسىن: «قازاقستان رەسپۋبليكاسى مادەنيەت مينيسترلىگى;»; مىناداي مازمۇنداعى جولمەن تولىقتىرىلسىن: «قازاقستان رەسپۋبليكاسى بايلانىس جانە اقپارات اگەنتتىگى.». 5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2014 جىلعى 7 ناۋرىز №761