وعان اۋعان سوعىسىنىڭ ارداگەرلەرى, قورعانىس ۆەدومستۆوسىنىڭ جانە باسقا دا كۇشتىك قۇرىلىمداردىڭ وكىلدەرى, كەڭەس وداعىنىڭ باتىرى, حالىق قاھارمانى, ارميا گەنەرالى ساعادات نۇرماعامبەتوۆ اتىنداعى قورعانىس مينيسترلىگىنىڭ اسكەري كوللەدجىنىڭ تاربيەلەنۋشىلەرى قاتىستى.
تاريح ەنشىسىندەگى وقيعالار سوعىس ارداگەرلەرىنىڭ ەسىندە, سوندىقتان وسىنداي ءاربىر كەزدەسۋ ەرەكشە قۇندى.
«اۋعانستان – وتكەن تاريح قانا ەمەس. بۇل – ساربازداردىڭ اسكەري بورىشىن ورىنداۋداعى تاباندىلىعى مەن باتىلدىعىنىڭ, سەنىم مەن پاتريوتتىق رۋحىنىڭ نىشانى. جاۋىنگەرلەردىڭ اسكەري جانە ازاماتتىق پارىزىن ەرلىكپەن ورىنداعانى ءاردايىم جادىمىزدا», دەدى اۋعان سوعىسىنىڭ ارداگەرى, تاربيە جانە يدەولوگيالىق جۇمىس دەپارتامەنتى باستىعىنىڭ ورىنباسارى گەنەرال-مايور مۇقان دۇيسەكەەۆ.
بۇگىنگى تاڭدا قازاقستاندا اۋعان سوعىسىنا قاتىسقان 15 مىڭنان استام ادام تۇرادى.
ەسكە الۋ شاراسىن «اۋعان سوعىسىنىڭ مۇگەدەكتەرى مەن ارداگەرلەرى وداعى» قوعامدىق بىرلەستىگى, قورعانىس مينيسترلىگى جانە نۇر-سۇلتان قالاسىنىڭ اكىمدىگى ۇيىمداستىردى.
