«تاۋار بيرجالارىنىڭ جاۋاپكەرشىلىگىن ارتتىرۋ ماقساتىندا ولار ءۇشىن جارعىلىق كاپيتالدىڭ مولشەرىن ۇلعايتۋ كوزدەلىپ وتىر. ياعني تاۋاردىڭ بارلىق ءتۇرىن (ستاندارتتالعان جانە ستاندارتتالماعان) ساتاتىن تاۋار بيرجالارى ءۇشىن جارعىلىق كاپيتالدى 600 مىڭ اەك-كە (ايلىق ەسەپتىك كورسەتكىش) دەيىن ۇلعايتۋ جوسپارلانۋدا. ال تەك قانا ستاندارتتالماعان تاۋار ءتۇرىن ساتۋمەن اينالىساتىن ساۋدا بيرجالارى ءۇشىن جارعىلىق كاپيتالدىڭ كولەمى بۇرىنعىشا, 300 مىڭ اەك مولشەرىندە قالا بەرەدى. بۇل ءوز كەزەگىندە سالاداعى ء«السىز» ويىنشىلاردىڭ باسقا بيرجالارمەن بىرلەسە وتىرىپ جۇمىس ىستەپ, ءوز الەۋەتىن ارتتىرۋىنا مۇمكىندىك بەرەدى», دەيدى مينيسترلىكتەن.
ۆەدومستۆودان ءمالىم ەتىلگەندەي, جوعارى اتالعان جاڭاشىلدىقتار تاۋار بيرجاسى سالاسىندا ءادىل باسەكەلەستىك پەن ساپالى قىزمەتتىڭ ارتا تۇسۋىنە سەپتىگىن تيگىزەدى. سونداي-اق, مينيسترلىكتەن ەلىمىزدە جاڭا تاۋار بيرجاسىنىڭ پايدا بولاتىنى تۋرالى حابارلاندى.
«ساۋدا جانە تاۋار بيرجاسى تۋرالى زاڭ جوباسىنا ەنگىزىلگەن وزگەرىستەر بويىنشا كومىرتەگى ساتۋدى جەكە تاۋار بيرجاسى رەتىندە شىعارۋ نورماسى قاراستىرىلدى. ياعني كومىرتەگى ساتاتىن مامانداندىرىلعان تاۋار بيرجاسى پايدا بولادى. جالپى كومىرتەگى ستراتەگيالىق سيپاتتاعى تاۋار ەمەس. ال جاڭا وزگەرىس تاۋار بيرجاسىندا كومىرتەگىنى ساتۋدى رەتتەۋ ماقساتىندا قولعا الىنىپ وتىر», دەلىنگەن حابارلامادا.
