نۇر-سۇلتاندا 189 قازاقستاندىق ەلباسى مەدالدارىمەن ماراپاتتالدى, ونىڭ ىشىندە 180 قولا جانە 9 كۇمىس مەدال. ال شىمكەنت شاھارىندا 214 قاتىسۋشى قولا مەدالعا يە بولدى.
ءىس-شارالارعا ەلباسىنىڭ مەدال يەگەرلەرى, ەلىمىزدىڭ بەلگىلى مەملەكەت جانە قوعام قايراتكەرلەرى, مەملەكەتتىك ورگانداردىڭ وكىلدەرى, عالىمدار مەن بەلسەندى جاستار قاتىستى.
«ەلباسى مەدالى» - جاستاردى كەشەندى دامىتۋعا باعىتتالعان ۇلتتىق دەڭگەيدەگى جالعىز باعدارلاما. قاتىسۋشىلار «التىن», «كۇمىس» نەمەسە «قولا» مەدالدارمەن ماراپاتتالادى.
باعدارلاماعا 14-29 جاس ارالىعىنداعى جاس قازاقستاندىقتار قاتىسادى.
ۇيىمداستىرۋشىلاردىڭ ايتۋىنشا, بۇل باعدارلاما وسكەلەڭ ۇرپاق ءۇشىن العا قويعان ماقساتتارىنا جەتۋگە ۇلكەن سەرپىن بەرەدى. قازىرگى ۋاقىتتا «ەلباسى مەدالى» باعدارلاماسىنا 20 000-نان استام ادام قاتىسادى. ونىڭ 83%-ى - مەكتەپ وقۋشىلارى, 11%-ى-ستۋدەنتتەر, 6%-ى-جۇمىس ىستەيتىن جاستار, 24%-ى - اۋىلدىق جەرلەردەن كەلگەن قاتىسۋشىلار.
2019 جىلدان باستاپ مەدالداردى 6 186 قازاقستاندىق الدى, 605 ەلباسى مەدالىنىڭ يەگەرلەرىنە مەملەكەتتىك ءبىلىم بەرۋ گرانتتارى تاعايىندالدى, ولاردىڭ 30%-دان استامى اۋىل مەكتەپتەرىنىڭ تۇلەكتەرى.
ەلباسىنىڭ قولا مەدالىنىڭ يەگەرلەرىنىڭ ءبىرى - نۇر-سۇلتان قالاسىنىڭ №91 مەكتەپ-گيمنازياسىنىڭ 9 سىنىپ وقۋشىسى ديانا مىرزاعاليەۆا.
«جوباعا قاتىسۋ ارقىلى مەنىڭ ءومىرىم 180 گرادۋسقا وزگەردى. جوبا مەنىڭ ەرىك-جىگەرىمدى قالىپتاستىردى, مەن جان-جاقتى دامي باستادىم, كوپتەگەن كىتاپتار وقىپ, جاڭا دەڭگەيگە كوتەرىلدىم. ەكولوگيا ماسەلەلەرىن كوتەرەتىن «اقسۋ-جاباعىلى سيقىرلى الەمى» ەرتەگىسىن جازدىم, مۇمكىندىگى شەكتەۋلى بالالاردى قولداۋ جونىندەگى ءىس-شارالاردىڭ ۇيلەستىرۋشىسى اتاندىم. سونداي-اق حالىقارالىق بايقاۋعا قاتىسىپ, «جىل ۆولونتەرى» مەن «ۆولونتەرلىكتى دامىتۋعا قوسقان كورنەكتى ۇلەس» نوميناتسيالارى بويىنشا جەڭىمپاز اتاندىم», دەدى ديانا مىرزاعاليەۆا.
ەسكە سالا كەتسەك, 15 جەلتوقساندا ەلوردادا «ەلباسى مەدالى» باعدارلاماسىنا قاتىسۋشىلاردى ماراپاتتاۋ جونىندەگى كوميسسيانىڭ وتىرىسى ءوتتى. كوميسسيا باعدارلامانى ىسكە اسىرۋ ناتيجەلەرىن قاراپ, باعدارلامانى تابىستى اياقتاعان 2 259 ادامدى ماراپاتتاۋعا ۇسىندى. ولاردىڭ ىشىندە 2 216 قولا, 40 كۇمىس جانە 3 التىن قاتىسۋشى بار. سونداي-اق باعدارلامانى اياقتاعان 344 قاتىسۋشى سەرتيفيكاتتارعا يە بولادى.
