وزبەكستان پرەزيدەنتى شاۆكات ميرزيوەۆتىڭ باستاماسىمەن وتكەن فورۋمعا نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ باستاعان 15 دەلەگاتسيا قاتىستى.
فورۋم ءوزىن-ءوزى تانىتۋ, كاسىبي جانە شىعارماشىلىق دامۋ, ونىڭ ىشىندە جاستاردى ەكونوميكالىق جانە الەۋمەتتىك سالانى دامىتۋعا جاعداي جاساۋ ماقساتىندا جاستار ساياساتىنىڭ باسىم باعىتتارىن, سونداي-اق ولاردىڭ جۇمىسپەن قامتىلۋىن قامتاماسىز ەتۋ, ماسەلەلەرىن تالقىلاۋعا ارنالعان قوعامداستىقتار قۇرۋ الاڭىنا اينالادى.
دەلەگاتسيا قۇرامىندا ەلوردالىق جانە رەسپۋبليكالىق جاستار ۇيىمدارىنىڭ باسشىلارى, قحا مۇشەلەرى, سپورت جانە مادەنيەت سالاسىندا جەتىستىككە جەتكەن جاستار, كاسىپكەر, قوعامدىق بەلسەندى جاستار قاتىستى.
فورۋم بارىسىندا جاستار ساياساتى سالاسىنداعى ۇزدىك جوبالار تانىستىرىلدى. ەلوردادا ىسكە اسىرىلاتىن ۇزدىك جوبالار تاشكەنت جاستارىنىڭ نازارىنا ۇسىنىلدى.
ەلوردالىق دەلەگاتسيامەن تاشكەنت قالاسىنىڭ اكىمى دجاحونگير ارتيحودجاەۆ جەكە كەزدەسىپ, جاستار ساياساتى سالاسىنداعى ماسەلەلەر تالقىلاندى.
