ارداقتى انالار, اياۋلى اپكەلەر مەن ارۋ قارىنداستار!

سىزدەردى قازاقستان حالقى اس­سام­بلەياسىنىڭ اتىنان كوكتەمنىڭ شۋاقتى مەرەكەسى 8 ناۋرىز – حالىقارالىق ايەلدەر كۇنىمەن شىن جۇرەكتەن قۇتتىقتايمىز! وسى ءبىر تاماشا مەرەكەنىڭ ەڭ نازىك گۇلدەر قاۋىز جارىپ, دالا جاڭاشا قۇلپىرىپ, اسەرلى كۇيگە ەنەتىن كوكتەممەن بىرگە كەلۋىنىڭ ەرەكشە ءمانى بار. بارشا تابيعاتقا جان بىتەتىن بۇل ساتتە سىزدەردىڭ جان جىلۋلارىڭىزدان, شات كۇلكىلەرىڭىزدەن, نازىك سەزىمدەرىڭىزدەن توگىلگەن نۇر ادامدارعا جاسامپاز كۇش سىيلاپ, جاڭا ىستەرگە باستايدى. حالىقارالىق ايەلدەر كۇنى – شۋاقتى كوكتەمنىڭ, نازىك ماحابباتتىڭ جانە ىرىس پەن ىنتىماقتىڭ مەرەكەسى! سەبەبى, ءاربىر ايەل-انا گۇلدەي جايناپ, ادام ءومىرىن ءسان-سالتاناتقا تولتىرادى, الەمگە جىلىلىق, مەيىرىم, تاتۋلىق نۇرىن شاشادى. سەبەبى, ايەل-انا وتباسىنىڭ ۇيىتقىسى, ءداستۇردىڭ ساقتاۋشىسى, ۇرپاق تاربيەسىنىڭ, ادامگەرشىلىكتىڭ قاينار كوزى. ەل كەلەشەگىنىڭ رۋحاني ساقشىسى. انانىڭ سۇتىمەن, ىستىق الاقانىمەن بويعا داريتىن ادامي قاسيەتتەر, وتانعا دەگەن سۇيىسپەنشىلىك – ەلدىڭ كەمەل كەلەشەگىنىڭ, مىزعىماس بىرلىگىنىڭ, بەرەكەلى تىرلىگىنىڭ وزەگى. سىزدەرگە اق جۇرەكتەرىڭىز بەن ىزگى ماحابباتتارىڭىز ءۇشىن, ەلىمىزدىڭ بىرلىگى مەن ىنتىماعىن نىعايتۋ جو­لىن­داعى قاجىرلى ەڭبەكتەرىڭىز ءۇشىن شەكسىز العىسىمىزدى بىلدىرەمىز. بۇگىنگى مەرەكەنىڭ قارساڭىندا بارلىق ىزگى لەبىزدەر مەن ىستىق ىقىلاستار, العىس سوزدەر سىزدەرگە ارنالادى. سىزدەردىڭ جۇرەكتەرىڭىز جىلىلىق پەن مەيىرىمگە, ومىرلەرىڭىز شاتتىققا, قۇشاقتارىڭىز گۇلگە تولسىن! سىزدەرگە زور دەنساۋلىق, باقىت, وتباسىلارىڭىزعا اماندىق ءتى­لەيمىز! قازاقستان حالقى اسسامبلەياسى