عاسىر جاساعان انا

قالالىق اكىمدىك حالىقارالىق ايەلدەر مەرەكەسى  قارساڭىندا, اقمەشىتتە 100-گە جەتكەن, ودان دا اسقان التىن قۇرساقتى انالارعا قۇرمەت كورسەتتى. ولاردى جاس ۇرپاققا ۇلگى-ونەگە ەتۋ تۇرعىسىندا سۋرەتتەرىن ۇلكەن ەتىپ ءىلىپ, وعان ارنايى ايدار دا بەردى. «عاسىر-عۇمىر يەسى – اسىل انا» دەگەن اتپەن تۇرعان سۋرەتتەر اركىمنىڭ-اق نازارىن وزىنە قاراتقانى انىق. قالا اكىمىنىڭ ورىنباسارى رۋسلان رۇستەموۆ بيىل جۇزگە تولىپ جاتقان حاديشا قارعاەۆانىڭ وتباسىندا بولىپ, مەرەكەمەن قۇتتىقتادى. بۇگىندە حاديشا اجەيدىڭ 6 بالاسى, 24 نەمەرەسى, 10 شوبەرەسى بار. اجەي ۇرپاعىنىڭ كورسەتىپ جاتقان قۇرمەتىنە العىسىن ءبىلدىرىپ, «مەن سەكىلدى ءجۇز جاساڭدار!» دەپ باتاسىن بەردى. ءاربىر ادامنىڭ ولشەنىپ بەرگەن ءومىرى بار. ال ەكىنىڭ ءبىرى جۇزگە جەتە بەرمەيدى. سوندىقتان عاسىر جاساپ, بالا-شاعاسىنىڭ قىزىعىن كورىپ وتىرعان انالارىمىزدىڭ سانى ارتا بەرسىن دەپ تىلەيىكشى... ەرجان بايتىلەس, «ەگەمەن قازاقستان».