قامقورلىققا كەنەلىپ ەدى

اكەمىز دە, انامىز دا كەلىستى ادامدار ەدى. اكەمىز سۇراپىل سوعىستى باستان وتكەرگەن مايدانگەر بولاتىن. انامىز جۇ­مىس تالعامادى. قوي­دى دا, ەشكىنى دە قىرقىپ, تۇيەنى دە كۇزەيتىن. مال­دىڭ تەرىسىن وڭدەدى. ءجۇن­دى ءتۇرلى بوياۋمەن بوياپ, الاشا توقۋعا ءجىپ يىرەتىن, ۇلت­تىق ويۋ-ءور­نەك­تەر سا­لىنعان تەكە­مەت باساتىن. سوعىس جىل­دارىندا ساۋىن­شى بولىپ جۇ­مىس ىستەگەن. ءالى ەسىمدە, ءبىزدىڭ باقشالىق جەرىمىز بار بولاتىن. انامىز كوكتەم شىعىسىمەن سول جەردى ۇنەمى باپتاپ, قاۋىن مەن قاربىزدى مولىنان ەگەتىن. جاز بويى داستارقانىمىزدان قاۋىن مەن قاربىز, وزگە دە باقشا داقىلدارى مەن كوكونىس تۇرلەرى, قايماق پەن ماي, ىرىمشىك پەن سۇزبە, ايران سەكىلدى تابيعي قۇنارلى تا­عامدار ءبىر ۇزىلمەيتىن. 1986 جىلى اتا-انامىز الماتى قا­لاسىنا كوشتى. زينا جەڭگەمىزبەن بىرگە ينستيتۋتتان سوڭ الماتىدا تۇ­راقتاپ قالعان. اعامىزدىڭ وتباسىندا مىرزادا مەن مادينا ەسىمدى ەكى كىشكەنتاي ءوسىپ جاتقان. اتا-انامىز ۇلىنا ءبىر تابان جاقىنداعاندى ءجون كورىپ, ەڭبەك دەمالىسىنا كەلگەن اپا-جەزدەمىز داريا مەن عابدراشيدپەن بىرگە ال­ما­تىعا جول تارتتى. ول كەزدە الماتىدا ءپا­تەر الۋ قيىن ەدى. قا­لا­عا ءتىر­كەلۋ دە وڭاي سوق­پايتىن. اكەمىز ۇلى وتان سو­عىسىنىڭ مۇگە­دە­گى, انامىز 11 قۇر­ساق كو­تەرىپ, 9 بالانى تاربيەلەپ, ءوسىر­­گەن «ارداقتى انا» ەدى. انا­مىز سول كەزدە­گى مي­نيسترلەر كەڭەسى­نىڭ ءتورا­­عاسى نۇرسۇلتان نازار­باەۆقا حات جازىپ, كومەك سۇ­راپ­تى. نۇرسۇلتان ءابىش ۇلى انا­مىز­­دى ارنايى قابىلداپ, «ەش ۋايىمداماڭىز, ءبارى دە دۇرىس بولادى» دەپتى. ارادا ءبىراز ۋاقىت وتكەندە اتا-انامىزعا جاڭا پاتەردىڭ وردەرىن اكەلىپ بەرىپتى. انام: «ۇلكەندى سىيلايتىن, الدىنا بارعان ادامدى تىڭداي بىلەتىن پاراساتتى جان ەكەن», دەگەندى ۇدايى ايتىپ وتىراتىن. باسپانا الۋىنا كومەكتەسكەنى ءۇشىن العىسىن ءبىل­دى­رۋگە قابىل­داۋىنا بارعاندا انا­مىز بولاشاق پرەزيدەنتكە: «ەلىڭ­نىڭ بولاشاعى ءۇشىن اتقارار قىز­مەتىڭ جەمىستى بولسىن, اينالايىن!» دەپ اق باتاسىن بەرىپتى. كەيىن 1998 جىلى پرەزيدەنت سايلاۋى كەزىندە نۇر­سۇلتان ءابىش ۇلىنىڭ كانديداتۋراسىن قولداپ, جەڭىسكە جەتۋىن تىلەپ وتىردى. پرەزيدەنت ساي­لاۋىنان سوڭ ارنايى قۇتتىقتاۋ جەدەلحاتىن جىبەردى. انامىز سەكىل­دى اقپەيىلدى جانداردىڭ تىلەگى قابىل بولعان شىعار, نۇرسۇلتان نازارباەۆ ءتاۋ­­ەل­سىز ەلىمىزدى الەمگە تانىتىپ كەلەدى. سول پاتەرىندە «زينگەر» ءماشي­نە­سىمەن كوزدىڭ جاۋىن الارداي اسەم بۇيىمدار تىگۋىن جالعاستىردى. ءار كۇن سايىن كويلەك, ۇلتتىق نا­قىش­تارمەن كومكەرىلگەن قامزول, وزگە دە زاتتار تىگەتىن ەدى. ونىڭ ۇزىن سانى 365-ءتى قۇرادى. بۇل كۇندەرى اكەمىز دە, انامىز دا ومىردەن ءوتتى. ەگەر ءتىرى بولسا, بيىل اكەمىز 104 جاسقا, انامىز 100 جاسقا تولار ەدى. الايدا, ولار بۇل جاس­قا جەتە العان جوق. اكەمىز بەن انا­مىز­دىڭ ايالى الاقانىنىڭ جىلۋىن ءالى دە ساعىنامىز. ءبىز ءۇشىن قيىندىق­قا ءتوزىپ, بار مەيىرىمىن توگىپ, «اي­نالايىن, امان ءجۇر» دەگەن ءبىر اۋىز جىلى ءسوزى جۇرەك تۇكپىرىندە جات­تا­لىپ قالدى. بۇگىندە اكە-شەشەمىزدىڭ ۇل-قىزدارىنان 24 نەمەرە, 48 ءشو­بەرە ءوربىدى. مىنە, سول ۇرپاعى ءومىردى جالعاستىرىپ جاتىر. بەيبىت كوزبول-سابىروۆا. اتىراۋ وبلىسى.