«قۇلپىرعان كوكتەم» كورىنىستەرى

بۇگىندە ءتۇرلى مادەني شارالارعا ۇيىتقى بولىپ جۇرگەن نازارباەۆ ورتالىعى, ەلوردا تۇرعىندارى مەن قوناقتارىنا تانىستىرۋ ءۇشىن حالىقارالىق ايەلدەر كۇنى مەرەكەسىنە وراي «قۇلپىرعان كوكتەم» اتتى سۋرەتشى قىزداردىڭ شىعارماشىلىعىنا ارنالعان كورمە ۇيىمداستىردى. كوكتەم مەرەكەسىنە تۇسپا-تۇس كەلگەن يگىلىكتى شارانىڭ اشىلۋىن بىلايعى جۇرت­تان بولەك كاسىبي سۋرەتشىلەر دە تاماشالادى. كورنەكتى سۋرەتشىلەر گۇلفايرۋس يسمايلوۆا مەن ايشا عالىمباەۆانىڭ شىعارمالارى ەرەكشە كوز تارتادى. سونداي-اق, كورەرمەندەر ا.الپىسباەۆا, ر.احمەتجانوۆا, ب.زاۋىربەكوۆا, ن.قيقىموۆا, ۆ.سلابوسپيتسكايا, ا.كولكە, ت.ءماجيتوۆا, م.مىرزابەكوۆا, ن.تەرەششەنكو, ا.سۇلەەۆا سىندى وزگە دە سۋرەتشىلەردىڭ سىرعا تولى سيقىرلى ساۋساقتارىمەن كەنەپكە جان بىتىرگەن قويناۋى تەرەڭ قيالىنان تۋعان عاجايىپ الەمىمەن تانىسا الادى. «بۇگىن سۋرەت ونەر شەبەرلەرى ءۇشىن قۋانىشتى كۇن. ويتكەنى, سۋرەتشى قىزدارى­مىزدىڭ كورمەسى وتۋدە. ونەرسۇيەر قاۋىم قازاق ەلىنىڭ ۇلكەن مەترىنە اينالعان قىل­قالام شەبەرلەرىمەن قاتار, اعا, ورتا جانە كەيىنگى بۋىن سۋرەتشى ارۋلار ەڭبەكتەرىنىڭ جۇرتقا تانىستىرىلىپ جاتۋى قۇپتارلىق جاي. شىعارماشىلىقتارىڭىز شارىقتاي بەرسىن, ارۋ سۋرەتشىلەر!», دەدى كورمەنىڭ اشىلۋىندا ءسوز العان قازاقستان رەسپۋبليكاسىنىڭ ەڭبەك سىڭىرگەن قايراتكەرى, سۋرەتشى مارات توقسەيىتوۆ. ءابدىراحمان قىدىربەك, «ەگەمەن قازاقستان». سۋرەتتى تۇسىرگەن ەرلان وماروۆ.