ايماقتار • 22 جەلتوقسان، 2021

Qazaq Auyl ەكوكەشەنى ۇلتتىق ناقىشتى ۇمىتپايدى

57 رەت كورسەتىلدى

بىلتىردان بەرى كوروناۆيرۋس پاندەمياسىنان ەڭ زارداپ شەككەن سالانىڭ ءبىرى تۋريزم بولسا، مۇنىڭ دا ءوز قايىرى بار، اياقتالىپ كەلە جاتقان جىلدىڭ ەكىنشى توقسانىنىڭ قورىتىندىسىنا قاراساق، الماتىداعى تۋريستەردىڭ جالپى سانى 501،4 مىڭنان اسىپ، ونىڭ ىشىندە شەتەلدىك تۋريستەر – 54،2 مىڭعا، ىشكى تۋريس­تەر قاتارى 447،2 مىڭعا جەتكەن.

 

الماتىدا «مەدەۋ» ۆيزيت-ورتالىعى اشىلدى

وسى ورايدا، ءتۋريزمدى دامى­تۋعا قاتىستى الماتىدا سوڭعى كۇندەرى اتقارىلعان ىلكىمدى ءىستىڭ ءبىرى – «مەدەۋ» ۆيزيت-ورتالىعىنىڭ اشىلۋى بولدى. جەكە ينۆەس­تور جۇزەگە اسىرعان جوبا – قوعام­دىق تا­ماقتاندىرۋ پۋنكتى، تۋريستىك قۇ­رال-جابدىقتار دۇكەنى مەن قو­عام­دىق اجەتحاناسى بار تۋريس­تىك اق­­پاراتتىق ورتالىقتى قۇرىپ بەردى.

سالىنعان ينۆەستيتسيالىق قا­راجات كولەمى 100 ملن تەڭگە بولاتىن اتالعان ۆيزيت-ورتا­لىق­تان «ىلە-الاتاۋ» ۇلتتىق پاركى تۋرالى بارلىق اقپاراتتى الۋعا بولادى. قازىردىڭ وزىندە 50 شاقتى ادامعا جۇمىس تاۋىپ بەرگەن «مەدەۋ» بسك ۆيزيت-ورتالىعىنىڭ جالپى الاڭى – 208 شارشى مەتر.

وعان قوسا تۋريستەردىڭ كە­زەكتى تالابىنان شىعىپ، قاۋىپ­سىزدىك پەن جايلىلىقتى قامتا­ماسىز ەتۋ ماقساتىندا تۇيىقسۋ شاتقالىندا تىكۇشاق الاڭى­نىڭ قۇرىلىسى جۇرگىزىلىپ جاتقانىن ايتا كەتۋ كەرەك. بۇدان باسقا، سپۋتنيك بايلانىسى مەن SOS دابىل تۇيمەلە­رى بار تاۋلى مار­شرۋتتاردىڭ شال­عاي توراپتىق ۋچاسكەلەرىندە 15 تاۋ قۇتقارۋ بە­كەتى ورناتىلدى. جانە 16 ادامنان تۇرا­تىن قۇت­­قارۋشىلار توبى تاۋلىك بويى جۇ­مىس ىستەيتىن 2 ار­نايى باقى­­لاۋ-قۇتقارۋ پۋنك­تى دا­يىن­دال­دى، ولار تاۋلى جەرلەر­دە ورنالاس­قان. ال كىم­اسار شات­قالىندا دابىل تۇي­مە-­
لەرىن با­قىلاۋ جۇيەسىنىڭ پيلوت­تىق جوبا­سى ىسكە قوسىلدى.

ەڭ باستىسى، تاۋلى جەرلەردە 1 مىڭ شاقىرىمنان استام جاياۋ ءجۇرۋ مارشرۋتتارى تسيفرلاندى­رىلدى، ونىڭ 500 شاقىرىمى اباتتاندىرىلدى. ولاردىڭ بار­لىعى 2GIS جانە ViewRanger پلات­­­فورمالارىندا قولجەتىمدى. بۇل مارشرۋتتاردا QR-كودتارى بار ستەندتەردى قوسا العاندا، بار­لىق قاجەتتى اقپاراتتىق دەرەكتەر ورناتىلعان، وندا تۋريستەر مار­شرۋتتىڭ كۇردەلىلىگىمەن، ونىڭ ۇزاق­تىعىمەن جانە ءوتۋ ۋاقى­تىمەن تانىسا الادى.

بۇدان باسقا، ۇلكەن جانە كىشى الماتى شاتقالدارىندا جىلدىڭ سوڭىنا دەيىن جالپى ۇزىندىعى 179 شاقىرىم بولاتىن تاۋ مارشرۋتتارىن اباتتاندىرۋ­ اياقتالۋعا ءتيىس. سونداي-اق «گو­رەلنيك»، «پروس­ۆەششەنەتس»، «قى­زىل­ساي»، «كا­زاچكا»، «لۋننايا» الاڭ­قايىندا 6 كەم­پينگ-ايماق قۇرۋ جۇمىس­تارى ءجۇرىپ جاتىر.

 

جاڭا قوناقۇي سالىنادى

الداعى 2022 جىلدىڭ سوڭىنا قاراي «مەدەۋ» قوناقۇيىنىڭ ورنىنا جاڭا قوناقۇي سالۋ جوسپارلانىپ وتىرعانى بەلگىلى.

«مەدەۋ» مۇز ايدىنىنداعى Medeu Park Hotel قوناقۇي ينفرا-­­
قۇرىلىمىن قالپىنا كەلتىرۋ جوباسى شەتەلدىك تۋريستەردى تار­تۋدا دا اسا ماڭىزدى. ەكى-ءۇش قاباتتى عيماراتتان تۇراتىن كە­شەن 2،1 گا اۋماقتا سالىنادى، ءبىرىنشى قاباتتا 90 ورىندىق قوناقۇي جانە 300 ورىندىق مەيرامحانا، ەكىنشى قا­باتتا اپارت-وتەل بولادى.

ەكى بلوكتىڭ قوناقتارىنا ار­نالعان قوناقۇيدە 25 مەترلىك باسسەين، سپا، كونفەرەنتس-زالدار، سەرۋەندەۋگە جانە دەمالۋعا ارنالعان اشىق دەمالىس ورنى جايعاسادى. جاڭا قوناقۇي كە­شەنىن جوبالاۋ بارىسىندا قالىپ­تاسقان تابيعي-ساۋلەتتىك انسامبل، قورشاعان ورتانى قورعاۋ شارا­لارى، دەمالۋشىلاردىڭ قاجەت­تىلىكتەرى ەسكەرىلمەك.

كەشەن اۋماعىندا، سونداي-اق بىرنەشە قوعامدىق سانيتارلىق توراپ، شۇعىل مەديتسينالىق كومەك كورسەتۋ پۋنكتى، ۆەلو­تۇراق­­تار، گاد­جەتتەردى قۋات­تاۋعا ارنال­عان نۇك­تەلەر جانە بەينە­باقىلاۋ جۇيەسى قاراستىرىلعان.

ۇلتتىق پاراليمپيادا كومي­تەتىمەن ىنتىماقتاستىقتا ينكليۋ­زيۆتى ورتانى قامتاماسىز ەتۋ ءۇشىن مۇندا مۇمكىندىگى شەكتەۋلى ادامداردى تاسىمالداۋعا ارنالعان ورىن­دار، سونداي-اق كىرەبەرىس­تەر مەن ليفتىلەرگە كەدەرگىسىز قول­جەت­كىزۋ قامتاماسىز ەتىلگەن.

 Qazaq Auyl ەكوكەشەنى ۇلتتىق ناقىشتا بوي كوتەرەدى

تاۋەلسىزدىك مەرەكەسى اياسىندا مەگاپوليس اكىمى باقىتجان ساعىنتاەۆ Qazaq Auyl كەشەنىنىڭ قۇرىلىس بارىسىن قاراپ شىققان بولاتىن. ويتكەنى ەكولوگيالىق ءتۋريزمدى دامىتۋمەن قاتار، باقى­لاۋ­دىڭ دا وزەكتىلىگى كورىنىپ وتىر.

سونىمەن Qazaq Auyl ەكوكە­شەنى ۇلتتىق ستيلدە كىماسار شات­قالىندا سالىنىپ جاتىر. وعان مەيرامحانا، 15 قوناقۇي جانە ءىس-شارالارعا ارنالعان امفي­تەاتر كىرەدى. جوبا بويىنشا مەيرامحانانى media Park Hotel قوناقۇي-تۇرعىن ءۇي كەشەنىمەن جانە ۆي­زيت-ورتالىعىمەن قوسۋ كوزدەلگەن. ۆيزيت-ورتالىق ءۇشىن اقپاراتتىق قىزمەتتەر كور­سە­تىلەتىن جانە تۋ­ريستىك جاب­دىقتار ساتىلاتىن جەكە ءۇي-جاي قاراس­تىرىلعان.

Qazaq Auyl جالپى الاڭى – 1،3 گا، ءۇي-جايلاردىڭ الاڭى – 850 ش.م.، ينۆەستيتسيا كولەمى – 800 ملن تەڭگە. 2022 جىلى 20 جۇمىس ورنىن قۇرۋمەن ەكوكەشەندى پايدالانۋعا بەرۋ جوسپارلانعان.

جوبا ەكولوگيالىق ءتۋريزمدى دامىتۋدى ەسكەرە وتىرىپ ازىر­لەندى، بۇل جالپى اباتتاندى­رۋ­دا، ۋچاسكەنىڭ جوسپارلاۋ قۇرى­لىمىندا جانە كەشەن قۇرى­لىمىن قۇرايتىن وبەكتىلەردىڭ كومپوزيتسيالىق شەشىمىندە كورى­نىس تاپتى.

قوعامدىق ءتارتىپتى قامتا­ما­سىز ەتۋ، توتەنشە جاعدايلار تۋىن­داعان كەزدە ادامداردى كۇزەتۋ، ەۆاكۋاتسيالاۋ جانە قۇتقارۋعا ما­مانداندىرىلعان اۆتوكولىكتىڭ قولجەتىمدىلىگى كوزدەلگەن.

 

الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار