كىتاپتا اعىلشىن ءتىلىنىڭ الەمدىك تىلگە اينالۋى, ونى ۇيرەنۋ جولىندا ساياحاتتاۋدىڭ ماڭىزى, جالپى بالاعا ءتىلدى قاي جاستان باستاپ وقىتۋ كەرەك, وسى سەكىلدى بىرقاتار وزەكتى ماسەلەلەر قامتىلعان.
«بۇل كىتاپ اعىلشىن ءتىلىن ۇيرەنۋشىلەردىڭ اتا-اناسىنا ارنالعان جانە وزگە ءتىلدى ۇيرەنە وتىرىپ, ۇلتتىق قۇندىلىقتاردى قالاي جوعالتپاۋعا بولادى, اعىلشىن ءتىلىن ۇيرەنۋدىڭ قاجەتتىلىگى قانداي دەگەن سىندى ساۋالدارعا جاۋاپ بەرەدى. اعىلشىن ءتىلىن ۇيرەنۋگە بايلانىستى وتباسىنداعى, قوعامداعى وزەكتى تاقىرىپتاردى كوتەردىك», دەيدى كىتاپ اۆتورى ايگۇل قاناتقىزى.
سونىمەن قاتار, سالتاناتتى ءىس-شارادا ء«بىلىم – كۇش» قوعامدىق قورى تاۋەلسىزدىكتىڭ 30 جىلدىعىنا ارنايى جالپى ورتا ءبىلىم بەرەتىن مەكتەپتەردىڭ اعىلشىن ءتىلى ءپانى مۇعالىمدەرى مەن وقۋشىلارى اراسىندا ۇيىمداستىرعان رەسپۋبليكالىق «مەنىڭ ەلىم – مەنىڭ ماقتانىشىم» بايقاۋىنىڭ جەڭىمپازدارىن ماراپاتتاۋ ءراسىمى بولدى. بايقاۋدا وزا شاپقان ۇستازدار باتىس قازاقستاندىق اينۇر سيسەنوۆا, قىزىلوردالىق نۇرگۇل جامالبەكوۆا جانە الماتى وبلىسىنان مەرۋەرت حاميتوۆا ارنايى العىس حاتتارمەن ماراپاتتالىپ, ەستەلىك سىيلىقتارعا يە بولدى.
كىتاپ ء«بىلىم – كۇش» قورىنىڭ دەمەۋشىلىگىمەن جارىق كورىپ وتىر. قور ەل اۋماعىنداعى جالپى ورتا ءبىلىم بەرەتىن مەكتەپتەردىڭ اعىلشىن ءتىلى ءپانى مۇعالىمدەرىنىڭ بىلىكتىلىگىن ارتتىرۋعا, تاجىريبە الماسۋىنا جاعداي جاساۋعا جۇمىستانادى.
«ابايلاڭىز, اعىلشىن ءتىلى!» كىتابى جاقىن كۇندەرى ەلىمىزدىڭ كىتاپ دۇكەندەرىندە ساتىلا باستايدى. ساتىلىمنان تۇسكەن قاراجات ء«بىلىم – كۇش» قورىنىڭ الداعى باستامالارىنا جۇمسالادى.
