«بۇگىنگى تاڭدا ەلدىڭ نەگىزگى ەنەرگيا ءوندىرىسى كومىر گەنەراتسياسى ەسەبىنەن جۇزەگە اسىرىلۋدا. كومىرتەكتى بەيتاراپتىققا قول جەتكىزۋ بويىنشا زاماناۋي ۇردىستەردى ەسكەرە وتىرىپ, ءبىزدىڭ الدىمىزدا «جاسىل» ەنەرگەتيكانى دامىتۋ مىندەتى تۇر. قازىرگى ۋاقىتتا جاڭارتىلاتىن ەنەرگيا كوزدەرىنىڭ 134 وبەكتىسىنەن ەلەكتر ەنەرگياسىن ءوندىرۋ 3,3%-دى قۇرايدى, سوندىقتان گەنەراتسيانىڭ جالپى كولەمىندەگى ونىڭ ۇلەسىن 2030 جىلى 15%-عا دەيىن ۇلعايتۋ كەرەك», دەدى اسقار مامين.
سونىمەن قاتار, قازاقستاننىڭ ەنەرگەتيكالىق جۇيەسىنىڭ تۇراقتىلىعىن قامتاماسىز ەتۋ ءۇشىن وتىن-ەنەرگەتيكا كەشەنىنىڭ جاڭا قۋاتتارىن جەدەل جاڭعىرتۋ ماسەلەسى قوزعالدى.
وسىعان بايلانىستى پرەمەر-مينيستر ەنەرگەتيكا مينيسترلىگىنە 2021 جىلدىڭ سوڭىنا دەيىن 2030 جىلعا دەيىنگى وتىن-ەنەرگەتيكا كەشەنىن دامىتۋدىڭ وزەكتەندىرىلگەن تۇجىرىمداماسىن قابىلداۋدى, سونداي-اق «قازترانسگازبەن» بىرلەسىپ, 2022 جىلعى 1 ساۋىرگە دەيىن ەلدىڭ سولتۇستىك جانە شىعىس وڭىرلەرىن گازداندىرۋ ماسەلەلەرى بويىنشا كەشەندى شەشىم ازىرلەۋدى قامتاماسىز ەتۋدى تاپسىردى.
بەيىندى ۆەدومستۆوعا ۇلتتىق ەكونوميكا مينيسترلىگىمەن, «سامۇرىق-قازىنا» قورىمەن جانە جەكە ەنەرگيا ءوندىرۋشى ۇيىمدارمەن بىرلەسىپ, جاڭا ەلەكتر ستانتسيالارىن جاڭعىرتۋ مەن سالۋدى قارجىلاندىرۋ تەتىكتەرىن ازىرلەۋ جانە تۇتاستاي العاندا قازاقستاندا «جاسىل» ەنەرگەتيكانى دامىتۋ جونىندەگى جۇمىستى جانداندىرۋ تاپسىرىلدى.
