«جالپى ەپيدەميولوگيالىق جاعداي تۇراقتى. جۇقپالى اۋرۋلار اۋرۋحانالارى مەن رەانيماتسيا ورىندارىنىڭ جۇمىسپەن قامتىلۋى - 19%. كوپتەگەن وڭىرلەر «جاسىل» ايماقتا, «سارى» ايماقتا تەك پاۆلودار جانە سولتۇستىك قازاقستان وبلىستارى قالىپ وتىر», دەدى اسقار مامين.
ونىڭ ايتۋىنشا, كوپتەگەن ەلدەردە جاڭا شتامنىڭ تارالۋىنا بايلانىستى, مەملەكەتتىك شەكارادا سانيتارلىق-ەپيدەميولوگيالىق تالاپتاردى ساقتاۋدى جالعاستىرۋ قاجەت.
ء«ۇي-جايلار مەن قوعامدىق كولىكتە بەتپەردە كيۋ جانە ادامدار كوپ جينالاتىن جەرلەردە الەۋمەتتىك قاشىقتىقتى ساقتاۋ جونىندەگى تالاپتاردى ورىنداۋعا ەرەكشە نازار اۋدارۋ قاجەت», دەپ قوستى ۇكىمەت باسشىسى.
قازىرگى ۋاقىتتا 9 ملن-عا جۋىق ەرەسەك حالىق ءبىرىنشى كومپونەنتپەن, بۇل ەرەسەك حالىقتىڭ 80%-عا جۋىعى, ەكىنشى كومپونەنتپەن 8,4 ملن-نان استام ادام ەگىلگەنىن, بۇل ەرەسەك حالىقتىڭ شامامەن 75%-ى ەكەنىن اتاپ ءوتىپ,
اسقار مامين مۇنداي كورسەتكىشتەر ۇجىمدىق يممۋنيتەتكە قول جەتكىزۋ ءۇشىن ءالى دە جەتكىلىكسىز ەكەنىن جەتكىزدى. وسىعان بايلانىستى ول دەنساۋلىق ساقتاۋ مينيسترلىگى مەن وڭىرلەر اكىمدىكتەرىنە حالىقتى كۆي-عا قارسى ۆاكتسينالاۋ جانە رەۆاكتسينالاۋ قارقىنىن ارتتىرۋدى تاپسىردى.
