پوليتسيانىڭ مالىمەتىنشە, ينتەرنەت-دۇكەننىڭ 29 جاستاعى يەسىن ەسىرتكى قىلمىسىنا قارسى ءىس-قيمىل جونىندەگى قىزمەتكەرلەر ۇستاعان.
ۇستالعان ادامنىڭ ەسىرتكى ساتۋ ارقىلى اقشا تاپقانى انىقتالدى. ول ەسىرتكىنى ءوندىرۋ مەن تاراتۋدىڭ تولىق پروتسەسىن ۇيىمداستىردى. ول ءۇشىن ەر ادام پەتروپاۆلدان پاتەر جالداعان, ال ەسىرتكىنىڭ تاسىمالىمەن ەرلى-زايىپتىلار اينالىسقان. بۇعان دەيىن ەرلى-زايىپتىلار بۇزاقىلىق پەن ۇرلىق ءۇشىن سوتتالعان.
«ينتەرنەت-دۇكەن بىرنەشە اي بويى سينتەتيكالىق زاتتاردىڭ ساۋداسىمەن اينالىسقان. الەۋمەتتىك جەلىلەردى باقىلاۋ بارىسىندا ول پوليتسيانىڭ نازارىنا ىلىگىپ, جويىلدى. ءتىنتۋ بارىسىندا جالدالمالى پاتەردەن المالى-سالمالى تارازىلار, ەسىرتكى وندىرۋگە قاجەتتى جابدىقتار, بۋىپ-ءتۇيۋ ماتەريالدارى, حيميالىق رەاگەنتتەر, ساتۋعا دايىندالعان 250 گرامم سپايس پەن سينتەتيكالىق ەسىرتكى ءوندىرۋ ءۇشىن پايدالانىلاتىن 150 گرامم كونتسەنترات تاركىلەندى», دەپ حابارلادى سقو پد.
ۇيىمداستىرۋشىدان ۇيالى تەلەفوندار, قوسىمشا sim-كارتالار, ەسىرتكىلەردى جەتكىزۋ ادرەساتتارى تۋرالى جانە ولاردان تۇسكەن اقشا اۋدارىمدارى تۋرالى جازبالار الىندى.
«زاڭسىز اينالىمعا قاتىسۋشىلاردىڭ بارلىعى ۇستالدى. ەسىرتكى قۇرالدارىن, پسيحوتروپتىق زاتتاردى, سول تەكتەستەردى زاڭسىز دايىنداعانى, ساقتاعانى جانە وتكىزگەنى ءۇشىن قىلمىستىق ىستەر قوزعالدى», دەپ تولىقتىردى سقو پد.
