ايماقتار • 20 جەلتوقسان، 2021

قۇرىش قورىتاتىن تاعى ءبىر زاۋىت

53 رەت كورسەتىلدى

قازىنالى قاراعاندىدا تاعى ءبىر فەرروقورىتپا زاۋىتى بوي كوتەرىپ، پايدا­لانۋ­عا بەرىلدى. Qaz Carbon كومپانياسىنا قاراستى بۇل كاسىپورىننىڭ ىرگەسى تو­عىز اي ىشىندە قالاندى. ايتا كەتەتىن ءبىر جايت، اتالعان زاۋىت وڭىردەگى فەررو­قورىت­پا سالاسى بويىنشا سوڭعى ەكى جىلدا سالىنعان ەكىنشى ءوندىرىس وشاعى.

جوبانى جۇزەگە اسىرۋ ءۇشىن Qaz Carbon كومپانياسى ءوزىنىڭ جەكەمەنشىك قاراجاتىنان 11 ملرد تەڭگە جۇمسادى. ال نەگىزگى ينۆەستيتسيا كوزى «قازاقستاننىڭ دامۋ بانكى» اق تاراپىنان بولعان. بانك اتالعان جوباعا 38،8 ملرد تەڭگە قارجى سالعان. ال «KazakhExport» ەسك» اق جاڭا كاسىپورىننىڭ ەكسپورتتىق باعدار­لانۋىن ەسكەرە وتىرىپ، وسى قارجىلان­دىرۋ بويىنشا كرەديتتىك تاۋەكەلدەردىڭ جاۋاپكەرشىلىگىن ءوزىنىڭ موينىنا الدى.

فەرروقورىتپا زاۋىتىنىڭ قۇرىلى­سى 2020 جىلدىڭ جەلتوقسان ايىندا باس­تالدى. تامىز ايىندا العاشقى رۋدوتەر­ميالىق فەرروقورىتپا پەشى ىسكە قو­سىلدى. قازىردىڭ وزىندە 3 مىڭ توننادان استام وتاندىق سيليكومارگانەتس ون­دى­رىلگەن. كاسىپورىننىڭ العا قويعان ماق­ساتى – ەكسپورت كولەمىن ارتتىرۋ. ال­عاش­قى ءونىم جاپونيا، وڭتۇستىك كورەيا، ەۋرو­وداق جانە تمد ەلدەرىنە جونەل­تىلە باستادى.

وندىرىستىك ۇدەرىس تولىعىمەن اۆتومات­تاندىرىلعان. پەشتەر ءۇش ساعات ىشىندە قورىتپالاردىڭ ءبىر تۇرىنەن ەكىنشىسىنە وزدىگىنەن اۋىسا الادى. كاسىپورىن قاراعاندى ءوڭىرىنىڭ شيكىزاتىن قايتا وڭدەۋگە جوبالانعانىن دا ايتا كەتكەن ءلازىم. بۇل ۇزدىكسىز وندىرىستىك تسيكلدى قامتاماسىز ەتۋگە جانە الەمدىك نارىقتارعا ساپالى ءونىم شىعارۋعا مۇمكىندىك بەرەدى.

جاڭا زاۋىتتىڭ اشىلۋ سالتاناتىندا قاراعاندى وبلىسىنىڭ اكىمى جەڭىس قا­سىم­بەك Qaz Carbon كومپانياسىنىڭ ءىرى ينۆەستيتسيالىق جوبالاردى ىسكە اسىرۋدا ۇلكەن تاجىريبەسى بار ەكەنىن اتاپ ءوتتى.

– مۇنداي جوبانى ىسكە اسىرۋ – مەملەكەت باسشىسىنىڭ ينۆەستيتسيالار تارتۋ، وڭدەۋ ونەركاسىبىندەگى ەڭبەك ونىمدىلىگىن ارتتىرۋ جونىندەگى ناقتى تاپسىرمالارىن ورىنداۋعا تىكەلەي ىقپالىن تيگىزەدى. جاڭا زاۋىتتا 300-دەن استام تۇراقتى جۇمىس ورنى اشىلدى، – دەدى ءوڭىر باسشىسى.

جاڭا كاسىپورىن جىلىنا 57 مىڭ توننا فەرروقورىتپا وندىرەتىن بولادى. زاۋىتتاعى ارقايسىسى 8 مۆت بولاتىن 8 پەش تاۋلىگىنە 25 توننا ءتۇرلى فەرروقورىتپا ونىمدەرىن شىعارۋعا قاۋقارلى. ءبىرىنشى كەزەڭدە 4 پەش جۇمىس ىستەي باستايدى، قالعان تورتەۋى جىل سوڭىنا دەيىن پايدالانۋعا بەرىلمەك.

Qaz Carbon كومپانياسىنىڭ اكتسيونەرى ەرلان نىعماتۋلين كاسىپورىندا الەمدىك تەح­نو­­لو­گيالىق ازىرلەمەلەر قول­دا­نىل­عانىن جانە جاڭا جابدىق­تار ورناتىلعانىن ايتادى.

– بۇل ءوندىرىستىڭ ەكولوگيا­لىق تۇرعىدا تازا ەكەنىن ايتقىم كەلەدى، قورشاعان ورتاعا تيگىزەر اسەرى بارىنشا از. زاۋىتتا اۋانى لاستامايتىن ءۇش ساتىلى گاز تازالاۋ جۇيەسى جۇمىس ىستەيدى. قالدىقتاردى قايتا پايدالانۋ كوزدەلگەن. Qaz Carbon جوبا­سىنىڭ جالپى سوماسى 50،7 ملرد تەڭگەنى قۇرايدى، وعان بايىتۋ فابريكاسى، اگلومەراتسيالىق فاب­ري­كاسى بار «سارىارقا» فەرروقو­رىتپا زاۋىتى جانە قولدانىستاعى ءوندىرىستى جاڭعىرتۋ كىرەدى، – دەدى اكتسيونەر.

«قازاقستاننىڭ دامۋ بان­كى» اق باسقارما توراعاسى اباي سارقۇلوۆ Qaz Carbon يننو­ۆاتسيالىق كاسىپورنىندا قدب-نىڭ ستراتەگيالىق باعىتتا­رى­نا – ءوڭىردىڭ الەۋمەتتىك-ەكونو­ميكالىق دامۋىنا، يمپورتتى الماستىرۋعا، ەكسپورتقا باع­دار­­لانعان ستراتەگياعا جانە الەم­دىك نارىقتا قوسىلعان قۇ­نى جوعارى باسەكەگە قابىلەتتى ءونىم­نىڭ وتاندىق وندىرىسىنە زا­ۋىت قۇرىلتايشىلارىنىڭ تو­لىق كولەمدە سايكەس كەلەتىن بى­رەگەي ينجەنەرلىك ويىنىڭ ىسكە اسىرىلعانىن ءمالىم ەتتى.

جالپى، Qaz Carbon كومپانياسى 2021 جىلدىڭ ءساۋىر ايىندا جىلىنا 2 ملن توننا كومىر وندىرەتىن بايىتۋ فابريكاسىن ىسكە قوسقان بولاتىن. كومپانيانىڭ كورمە ورتالىعى سالىندى. وسى جىلدىڭ سوڭىنا دەيىن قۋاتى جىلىنا 200 مىڭ توننا اگلومەراتسيالىق فابريكانى ىسكە قوسۋ جوسپارلانۋدا.

ال كۇنى كەشە عانا پاي­دا­­لانۋعا بەرىلگەن جاڭا زاۋىت­تى ەلىمىزدەگى قولايلى ينۆەس­­­­تي­تسيالىق احۋال­دىڭ كورسەت­­كىشى دەپ سەنىمدى تۇردە ايتۋعا بولادى. ياعني بۇل جەردە شەتەل­دىك ينۆەستورلار الاڭسىز جۇمىس ىستەۋگە زاڭنامالىق بازا مۇمكىندىك بەرەدى جانە باسقا دا قولايلى جاعدايلار جاسالعان. مۇنىڭ ءوزى قازاقستاننىڭ بۇگىن­دە فەرروقورىتپا نارىعىنداعى بولاشاعى زور ويىنشى عانا ەمەس، سونىمەن قاتار قورى مول مىقتى باسەكەلەس بولۋ فاكتورىنا دا تىكەلەي اسەر ەتەدى.

ر

 

قاراعاندى

 

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار