ايماقتار • 16 جەلتوقسان، 2021

الماتىداعى «سۇڭقار» ترامپلينىندە سپورت كەشەنى اشىلدى

70 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ سپورت كەشەنىنەن، بەيىمدەۋ ورتالىعىنان جانە جابىق ءجۇزۋ باسسەينىنەن تۇراتىن «سۇڭقار» حالىقارالىق شاڭعى ترامپلينىنە باردى، دەپ جازادى Egemen.kz.

سپورت كەشەنى 6 مىڭ شارشى مەتردەن استام اۋماقتا ورنالاسقان. سپورت كەشەنى ەركىن، گرەك-ريم جانە ايەلدەر كۇرەسى، كازاك كۇرەسى، بوكس، دزيۋدو، تاەكۆوندو، ميني-فۋتبول، ۆولەيبول، باسكەتبول، گاندبول جانە ت.ب. ءارتۇرلى سپورت تۇرلەرى بويىنشا اۋقىمدى شارالارعا ارنالعان. 1285 ورىنعا ەسەپتەلگەن (658 ستاتسيونارلىق وتىراتىن ورىن، جىلجىمالى مىنبەلەردە – 627 ورىن). سپورت الاڭىنىڭ كولەمى – 22ح42 مەتر، توبەسىنىڭ بيىكتىگى – 12 مەتر.
كەشەن جاتتىعۋ ءۇشىن سپورتتىق كەرەك-جاراقتارمەن تولىق جابدىقتالعان. پاركەت جۇيەسىنە ەرەكشە نازار اۋدارىلادى، وڭتايلى ۇيكەلىس كوەففيتسيەنتى بار ارنايى جابىن سپورتشىلاردىڭ قاۋىپسىزدىگىن قامتاماسىز ەتەدى.
7 جولعا ارنالعان 25ح16 مەترلىك جابىق ءجۇزۋ باسسەينى ءتۇرلى سۋ سپورت تۇرلەرى بويىنشا ءىرى، سونىڭ ىشىندە حالىقارالىق جارىستاردى وتكىزە الادى.
سونداي-اق، ورتالىقتا ساۋىقتىرۋ جانە دەمالۋ ءۇشىن ءۇي-جايلار، دۋش، ماسساج كابينەتى، كيىم شەشەتىن بولمەلەر، مەديتسينالىق كابينەت، ساۋنا جانە جاتتىقتىرۋشى بولمەلەرى قاراستىرىلعان. باق ءۇشىن كوممەنتاتورلىق جانە پاركينگ بار.
بەيىمدەۋ-جاتتىعۋ ورتالىعىندا ءىس-شارالاردى وتكىزۋ ءۇشىن تولىق جابدىقتالعان 108 بولمە، ءۇش زاماناۋي كونفەرەنتس-زال بار. 500 ورىندى سپورتشىلارعا ارنالعان ديەتولوگتىڭ قىزمەتتەرى بار كافە، باسسەينى بار اشىق جازعى الاڭ قاراستىرىلعان.
جوباعا 7،7 ملرد تەڭگە ينۆەستيتسيالاندى. Almaty Business 2025 كاسىپكەرلىكتى دامىتۋ وڭىرلىك باعدارلاماسى اياسىندا سپورتتىق قۇرال-جابدىقتار ساتىپ الۋعا 84 ايعا جىلدىق 6%-بەن 500 ملن تەڭگە سوماسىندا جەڭىلدىكتى نەسيە بەرىلدى. وسى جوبانى قارجىلاندىرۋ اياسىندا باسسەيندەگى اۋتيست بالالارعا ارنالعان نۇسقاۋشىمەن تەگىن جاتتىعۋ مۇمكىندىگى قامتاماسىز ەتىلدى.

1

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار