«بۇرىنعىداي بىرىكسەك, بىرگە بولامىز, ءبارىن جەڭەمىز. قازاقتار بىرىكسە, جەڭىلمەيتىن جاۋ جوق ەكەنىن تاريحتان بىلەسىز. سوندىقتان پرەزيدەنتىمىزدى قولداساق, ونىڭ باستامالارىن قولعا الساق, بولاشاقتا تابىسقا جەتەمىز», دەدى نازارباەۆ تاۋەلسىزدىكتىڭ 30 جىلدىعىنا ارنالعان نۇر-سۇلتانداعى سالتاناتتى ءىس-شارادا.
ەلباسى تاۋەلسىزدىكتىڭ 30 جىلدىعى قازاقستاننىڭ قۇرىلۋ تاريحىنداعى تاعى ءبىر ماڭىزدى كەزەڭ ەكەنىن ايتتى.
ء«بىز ءالى دە ەلىمىز دامىپ كەلە جاتقان ۇزاق جولدىڭ باسىندا تۇرمىز دەپ سانايمىن. ماڭگىلىككە ۇمتىلعان, اسقاق ارمانعا شاقىرعان الىس ساپارىمىز ءساتتى بولىپ, اتا-بابا رۋحى بارشامىزدى قولداپ, قۇت-بەرەكە سەرىك بولسىن. 21 عاسىر قازاقستاننىڭ التىن عاسىرىنا اينالسىن», دەپ تۇيىندەدى ءسوزىن نۇرسۇلتان نازارباەۆ.
