ءمادينا ابىلقاسىموۆا الەۋمەتتىك جەلىلەردە كرەديتتىك راقىمشىلىق تۋرالى حابارلامالار تاراتىلعاننان كەيىن قارجى نارىعىن رەتتەۋ جانە دامىتۋ اگەنتتىگىنە ءۇش كۇن ىشىندە ادامدار جاپپاي جۇگىنە باستاعانى تۋرالى حابارلادى.
ء«بىز 18 مىڭعا جۋىق ءوتىنىش قابىلدادىق, ونىڭ ىشىندە قارىزدى قايتا قۇرىلىمداۋ جانە ەسەپتەن شىعارۋ تۋرالى ارىزدار بار. ءبىز بارلىق وتىنىشتەردى قابىلدادىق, وڭدەدىك, قاراۋ ءۇشىن قارجى ۇيىمدارىنا جىبەردىك. ءبىز حالىقپەن بىرنەشە رەت كەزدەسىپ, قابىلداۋلار وتكىزدىك», دەدى مادينا ابىلقاسىموۆا.
ونىڭ ايتۋىنشا, كرەديتتىك راقىمشىلىق جۇرگىزۋ تۋرالى اقپارات شىندىققا جاناسپايدى.
«بۇگىنگى تاڭدا نەسيەلىك راقىمشىلىق جاساۋ قاراستىرىلمايدى, بۇل 2019 جىلى ءبىر رەتتىك اكتسيا بولدى», دەپ قوستى قارجى نارىعىن رەتتەۋ جانە دامىتۋ اگەنتتىگىنىڭ باسشىسى.
سپيكەر بۇگىندە ازاماتتاردىڭ پروبلەمالىق بەرەشەگىن سوتقا دەيىن مىندەتتى تۇردە رەتتەۋدىڭ جاڭا ءتارتىبى جۇمىس ىستەپ جاتقانىن اتاپ ءوتتى.
«بانكتەر, ميكروقارجى ۇيىمدارى ازاماتتىڭ قارجىلىق جاعدايى ناشارلاعان جاعدايدا ونىڭ ءوتىنىشىن قاراۋعا مىندەتتى, ولار وعان قايتا قۇرىلىمداۋدىڭ الۋان تۇرلەرىن ۇسىنا الادى. قالاي بولعاندا دا, نەسيەلىك راقىمشىلىق ماسەلەسى تەك مەملەكەتتىك اقشا ەسەبىنەن, سالىق تولەۋشىلەردىڭ اقشاسى ەسەبىنەن شەشىلۋى مۇمكىن», دەدى ءمادينا ابىلقاسىموۆا.
