ەندىگى ءۇمىت ۇكىمەتتە

جامبىلداعى كەيبىر ەسكى مەكتەپتەر مەن اۋرۋحانالار جاڭادان سالۋدى قاجەت ەتەدى

جاقىندا ءبىلىم جانە عىلىم مينيسترلىگى مەن وبلىس اكىمدىگى اراسىنداعى 2014-2016 جىلدارعا ارنالعان ءبىلىم بەرۋ جانە جاس­تار ساياساتى سالالارىنداعى نى­سا­­نالى ينديكاتورلار مەن كورسەت­كىشتەرگە قول جەتكىزۋ جونىندەگى مەموراندۋمعا قول قويىلدى. بۇدان كەيىن پرەمەر-مينيس­تر­دىڭ ورىنباسارى گۇلشارا ءابدى­حالىقوۆا مەن ءبىلىم جانە عىلىم ءمينيسترى اسلان ءسارىنجىپوۆ وبلىس اكىمى كارىم كوكىرەكباەۆپەن بىرگە م.ح.دۋلاتي اتىنداعى تاراز مەم­لەكەتتىك ۋنيۆەرسيتەتىندە, تاراز قالاسىنداعى №45 مەكتەپ-گيم­نازياسىندا بولدى. تاراز قالا­سىنداعى  №45 مەكتەپتە 2013-2014 وقۋ جىلىنان باستاپ جوبا­لاۋ-باعدارلاۋ تەحنولوگياسى نەگىزىندە وقىتۋ تاجىريبەلىك الاڭى مەن «E-Learning» ەلەكتروندىق وقىتۋ جۇيەسى ەنگىزىلگەن. ۇكىمەت مۇشەلەرىن مەملەكەتتىك-جەكە سەرىكتەستىك اياسىندا اشىلعان 280 ورىندىق «مۇباراك-ءمولدىر» بالاباقشاسىنىڭ جۇمىسى دا ءتانتى ەتتى. بالاباقشادا فيزيولوگيا مەن لوگوپەد بولىمدەرى بار. سونداي-اق, تاەكۆاندو مەن حورەوگرا­فيا ۇيىرمەلەرى جۇمىس ىستەيدى جانە قازاق, ورىس, اعىلشىن تىلدەرى وقى­تىلادى. ەڭ باستىسى, ۇكىمەت مۇشەلەرى «ماسەلەسى باستان اسقان» نىسانداردا دا بولدى. مىسالى, «قۇمشاعال» اۋماعىنا ورنالاسقان №19 مەكتەپ 1977 جىلى 240 وقۋشىعا ارنالىپ سالىنعان بولسا, بۇگىندە ول جەردە 645 وقۋشى وقىپ ءجۇر. ال بايزاق اۋدانىنداعى سوناۋ 1939 جىلدان بەرى جۇمىس ىستەپ كەلە جاتقان مەكتەپ كەزىندە 780 وقۋشىعا ارنالىپ سالىنعان بولسا, قازىر مۇندا 1360 وقۋشى ءبىلىم الۋدا. وبلىستىق ون­كو­لوگيالىق ديسپانسەردىڭ عيما­راتى دا سوناۋ 1956 جىلى 135 ادام­عا ارنالىپ سالىنعان. ەلگە ۇناعانى, ۇكىمەت مۇشە­لەرى وبلىسقا كەلىپ ماسەلەنى ءوز كوز­دەرىمەن كورىپ, ونداعى جاعدايدى مامانداردىڭ ءوز اۋىزدارىنان ەستىپ كەتۋى بولىپ وتىر. «سوندىقتان ەندىگى ءۇمىت ۇكىمەتتە» دەيدى ولار. كوسەمالى ساتتىباي ۇلى, «ەگەمەن قازاقستان». جامبىل وبلىسى.