رەزەرۆ مۇشەلەرى قوعامداعى وزەكتى ماسەلەلەردى تالقىلاۋ ءۇشىن مەملەكەتتىك ورگانداردىڭ, ۇكىمەتتىك ەمەس ۇيىمداردىڭ وكىلدەرىمەن تۇراقتى كەزدەسۋلەر ۇيىمداستىرىپ كەلەدى.
اشىق ديالوگقا «Bazis-A1 كورپوراتسياسى ديرەكتورلار كەڭەسىنىڭ نەگىزىن قالاۋشى جانە توراعاسى ا.بەلوۆيچ, KustoGroup كومپانياسى ديرەكتورلار كەڭەسىنىڭ ەنشىلەس يەسى جانە توراعاسى ە.تاتىشەۆ, Freedom Holding Corp كومپانياسىنىڭ باس اتقارۋشى ديرەكتورى, ديرەكتورلار كەڭەسىنىڭ توراعاسى تيمۋر تۋرلوۆ سپيكەرلەر رەتىندە قاتىستى.
«مۇنداي كەزدەسۋلەر بىزدە ءجيى ءوتىپ تۇرادى. بىراق نەگىزىنەن مەملەكەتتىك ورگانداردىڭ ءبىرىنشى باسشىلارى شاقىرىلاتىن. بۇل جولى فورماتىن ءسال وزگەرتىپ, بيزنەس قاۋىمداستىق وكىلدەرىمەن كەزدەسۋدى ءجون دەپ تاپتىق. ويتكەنى بيزنەستىڭ ەل ەكونوميكاسىنداعى ءرولى جوعارى. مەملەكەت باسشىسى ءبىزدى وزگەرىس اگەنتتەرى رەتىندە مەملەكەتتىك قىزمەشىلەردىڭ قاتارىنا قوسىلۋعا شاقىرا وتىرىپ, مەملەكەتتىك ماشينانىڭ تيىمدىلىگىن ارتتىرۋعا كومەكتسۋ كەرەكتىگىن ايتقان بولاتىن. بۇل جولدا بيزنەستىڭ ۇنىنە دە قۇلاق اسۋ كەرەك. ويتكەنى ەلدەگى بيزنەس پروتسەستەردى وزگەرتۋ ءۇشىن ولاردىڭ پايىمىن ەسكەرمەي بولمايدى. بۇعان دەيىن دە ايتقانىمداي, كوبىمىز مەملەكەتتىك قىزمەتتە ءجۇرمىز. بىراق تۇتاس جاعدايدى ءتۇسىنۋ ءۇشىن ەستي ءبىلۋ كەرەك. مۇنى مەملەكەت باسشىسى «ەستيتىن مەملەكەت» تۇجىرىمداماسىن ۇسىنعان كەزدە دە ايتتى. ءبىز شەشىمدەر قابىلداپ, باستامالار كوتەرگەندە ءوز ويىمىزعا سۇيەنىپ قويماي, بيزنەسپەن پراكتيكالىق قاجەتتىلىكتەرىن دە نەگىزگە الۋعا تىرىسامىز. بۇگىنگى كەزدەسۋ وسى تۇرعىدان پايدالى بولدى دەپ ەسەپتەيمىن», دەدى كادر رەزەرۆىنىڭ مۇشەسى, قر ەڭبەك جانە حالىقتى الەۋمەتتىك قورعاۋ ءمينيسترىنىڭ شتاتتان تىس كەڭەسشىسى ادىلەت زاكيەۆ.
ءىس-شارا اياسىندا قازاقستاندىق ءىرى بيزنەس-كومپانيالاردىڭ نەگىزىن قالاۋشىلار جۇمىس تاجىريبەسىمەن ءبولىستىپ, بيزنەستى ۇيىمداستىرۋدا قولدانىلاتىن يننوۆاتسيالىق شەشىمدەر تۋرالى ايتىپ, بيزنەس سالاسىنداعى قازىرگى احۋالعا بايلانىستى كەڭەس بەردى.
ا. بەلوۆيچ 30 جىلدىق تاريحى بار حولدينگتى باسقارۋ كەزىندە جولىققان قيىندىقتار مەن ەرەكشەلىكتەر تۋرالى, كومپانيالاردىڭ تسيكلدىك دامۋى تۋرالى قىزىقتى اقپارات بەردى. ونىڭ ايتۋىنشا, ۇيىمنىڭ دا, ەلدىڭ دە دامۋىنىڭ تىرەگى – مىقتى كادرلار.
اشىق ديالوگتىڭ ارقاسىندا پىكىرتالاس كلۋبىنىڭ قوناقتارى رەزەرۆ مۇشەلەرىنىڭ الەۋەتىن باعالاپ, جاستاردىڭ اراسىنان الەۋەتتى بيزنەس-سەرىكتەستەردى بايقاپ, «وزگەرىستەر اگەنتتەرىنىڭ» بيزنەس-پروتسەستەرگە, ونىڭ ىشىندە مەملەكەتتىك قىزمەتتە دە جاڭاشىل تاسىلدەردى ەنگىزە الاتىن بۋىن ەكەنىنە كوز جەتكىزدى.
ءىرى حولدينگ باسشىلارى ەل دامۋىنا ۇلەس قوسۋ ءۇشىن پرەزيدەنت جاستار كادر رەزەرۆىنىڭ مۇشەلەرىمەن تاجىريبە الماسۋعا دايىن ەكەنىن جەتكىزدى.
ءىس-شارانى قورىتىندىلاي كەلە, تاراپتار مەملەكەتتىك جانە كۆازيمەملەكەتتىك ورگاندارعا قازاقستاندىق ءىرى حولدينگتەردىڭ وڭ تاجىريبەسىن پايدالانۋ ءۇشىن ۇسىنىستار دايىنداپ, ەنگىزۋدى جوسپارلاپ وتىر.
