«ىشكى نارىقتى اۆياوتىنمەن قامتاماسىز ەتۋ ءۇشىن وسى جىلدىڭ قازان ايىندا مۇددەلى مەملەكەتتىك ورگانداردىڭ, رەسۋرس ۇستاۋشىلاردىڭ, سونداي-اق اۆياكومپانيالار/اۋەجايلار وكىلدەرىنىڭ, وتىن يمپورتتاۋشىلاردىڭ قاتىسۋىمەن كەڭەس وتكىزىلدى.
ونىڭ قورىتىندىسى بويىنشا اۆياكومپانيالار مەن اۋەجايلارعا اۆياتسيالىق وتىندى باسىمدىقپەن جونەلتۋ تۋرالى شەشىم قابىلداندى. بيرجالىق باعالارعا قاتىستى قازىرگى كەزدە ءبىر ساۋدا سەسسياسى كەزىندە بازالىق دەڭگەيدەن 2 پايىزعا كوتەرىلۋ شەكتەۋلەرىنە بايلانىستى بيرجاداعى باعالار نارىقتىق كونيۋنكتۋرانى كورسەتپەيتىنىن اتاپ وتەمىز», دەلىنگەن ۇكىمەت باسشىسى ورىنباسارىنىڭ جاۋابىندا.
ونىڭ اتاپ وتۋىنشە, شىلدەدەن قازانعا دەيىنگى ساۋدا-ساتتىق كەزەڭىندە باعا 1 تونناسىنا 200 مىڭ تەڭگەدەن 256 مىڭ تەڭگەگە دەيىن ءوستى. الايدا وسى جىلعى 8 قاراشادا بيرجالىق كوميتەتتىڭ شەشىمىمەن باعا 1 تونناسىنا 220 مىڭ تەڭگەگە دەيىن تومەندەتىلدى.
«بيىل قاراشادا ورتاشا ايلىق تۇتىنۋ وسى جىلدىڭ 10 اي ءۇشىن 53,4 مىڭ توننا بولعان كەزدە كەروسين ءوندىرىسىنىڭ كولەمى شامامەن 46 مىڭ توننانى جانە جەلتوقساندا 56 مىڭ توننانى قۇرايدى. الدىن الا اقپارات بويىنشا, «نۇرسۇلتان نازارباەۆ حالىقارالىق اۋەجايى» اق ورسك ءموز-ءى وندىرگەن 10 مىڭ تونناعا جۋىق اۆياكەروسينگە قول جەتكىزدى. سونداي-اق «قازمۇنايگاز» ۇك» اق قاراشا-جەلتوقسان ايلارىندا اۋەجايلارعا 15-20 مىڭ توننا كولەمىندە اۆياوتىندى يمپورتتاۋعا جاردەم بەرۋدە. بۇگىنگى كۇنى بارلىق ءموز-دەر تاۋلىك سايىن اۆياتسيالىق وتىن وندىرەدى جانە ىشكى نارىققا ۋاقتىلى جونەلتە وتىرىپ, شتاتتىق رەجيمدە جۇمىس ىستەۋدە», دەدى رومان سكليار.
