جەتى جاسار قىز وتباسىن قۇتقارىپ, ءوزى قازا تاپتى

سولتۇستىك قازاقستان وبلىسىندا 7 جاسار قىز وتباسىن تۋرالاپ كەلگەن اجالدىڭ ارانىنان قۇتقارىپ, ال ءوزى وتقا جانىپ كەتتى. بۇل جانتۇرشىگەرلىك وقىس وقيعا ماعجان جۇماباەۆ اۋدانىنىڭ چيستوۆ اۋىلىندا ورىن الدى. ءتۇن ىشىندە ۇيدە بىقسىپ شىعىپ جاتقان ءتۇتىننىڭ يىسىنەن ويانعان قىز بالا اينالانى قاۋمالاپ بارا جاتقان جالىندى كورىپ, اكەسى مەن شەشەسىن ورىندارىنان تۇرعىزادى. ال ولار سول بويدا جەدەل تەرەزە اينەگىن سىندىرىپ, باسقا بولمەدە جاتقان 2 ۇل بالانى دەرەۋ دالاعا شىعارعان.  وكىنىشكە قاراي, ەرەسەكتەر وزدەرى سىرتقا شىعىپ العان سوڭ عانا قىزدارىنىڭ ىشتە قالىپ قويعانىن بايقايدى. بىراق بۇل كەزدە ءوزىنىڭ قاھا­رىنا ءمىنىپ العان ءورت ءۇيدى تۇگەل قاۋسىرىپ, وراپ العان ەدى. سون­دىق­تان ىشكە قايتا كىرۋگە ەشبىر مۇمكىندىك بولمايدى. شاماسى, 7 جاسار قىز تاستاي قاراڭعى مەن قارا ءتۇتىننىڭ سالدارىنان تىسقا شىعار جولدى تابا الماي قالعان سياقتى. تەك كەلەسى كۇنى ونىڭ مۇردەسى وت تولىق باسىلعاننان كەي­­­ىن عانا كۇل قوقىسى اراسىنان تابىلدى. «ءورت ساعات تۇنگى 2:25-تە ءسوندى­رىلدى. ال تاڭعى 5-تەر شاماسىندا تۇگەل اۋىزدىقتالدى. ونىڭ ءنا­­­تي­­جە­سىندە 2 جانە 12 جاستاعى ەكى بالا جەڭىل جاراقات الىپ, وتتىڭ ءتۇ­تىنى­نەن ۋلانىپ قالعان. قازىر ولار اۋرۋ­حانادا جاتىر. جالىن پەشتەن شىق­تى دەگەن نەگىزگى بولجام بار. دەمەك, پەشتى سالعان كەزدە ساقتىق شارا­لارىن قولدانباعان», – دەيدى وبلىستىق توتەنشە جاعدايلار دەپارتامەنتىنىڭ ءباسپاسوز حاتشىسى ەۆگەني جۋراۆلەۆ. رۋسلان يگىلىك.