اسقار مامين اقمولا وبلىسىندا جاڭا زاۋىتتى ىسكە قوستى

ەل تاۋەلسىزدىگىنىڭ 30 جىلدىعىنا ارنالعان سالتاناتتى شارادا اسقار مامين اقمولا وبلىسى ەلىمىزدىڭ ماڭىزدى اگرارلىق-يندۋستريالىق وڭىرلەرىنىڭ ءبىرى ەكەنىن اتاپ ءوتتى.

تاۋەلسىزدىك جىلدارىندا جالپى وڭىرلىك ءونىم $446 ملن-نان $5،4 ملرد-قا دەيىن 12 ەسە ءوستى.

اقمولا وبلىسى ەلىمىز بويىنشا استىق جينايتىن كومباينداردىڭ 70%-عا جۋىعىن، تراكتورلاردىڭ 43%-ىن، مامانداندىرىلعان اۆتوموبيلدەردىڭ 47%-دان استامىن، مويىنتىرەكتەردىڭ 100%-ىن، قۇرامىندا التىنى بار وندىرىلەتىن كەندەردىڭ 45%-دان استامىن، جارتىلاي وڭدەلگەن التىننىڭ 27%-عا جۋىعىن شىعارىپ كەلەدى.

يندۋستريالاندىرۋ كارتاسىنىڭ جوبالارىن ىسكە اسىرۋ بويىنشا قوسىلعان زاۋىتتىڭ قۇنى جوعارى، بۇعان دەيىن شىعارىلماعان 20-عا جۋىق جاڭا ءونىم تۇرلەرىنىڭ ءوندىرىسىن ۇيىمداستىرۋعا مۇمكىندىك بەردى.

اقمولا وبلىسى ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋدە ماڭىزدى ءرول اتقارادى. وبلىس ەل ىشىندە اۋىل شارۋاشىلىعىنىڭ ۇلەسى بويىنشا 5-ءشى ورىندا تۇر. ءوڭىر 25% استام استىق (5 ملن توننا)، 23،5% قۇس ەتىن (80 مىڭ توننا)، 16% جۇمىرتقا (800 ملن دانا) جانە 8% ەت (150 مىڭ توننا) وندىرەدى. ەگىستىك جەر كولەمى 5 ملن گەكتاردان اسادى، وبلىس اۋماعىندا 8 قۇس فابريكاسى جانە 15 ەت وڭدەۋ كاسىپورنى جۇمىس ىستەيدى.

كولىك ينفراقۇرىلىمى بەلسەندى تۇردە جاڭعىرتىلۋدا، بالاباقشالار، مەكتەپتەر، مەديتسينالىق جانە سپورت وبەكتىلەرى سالىنىپ جاتىر. 6،9 ملن شارشى مەترگە جۋىق تۇرعىن ءۇي سالىندى. جالپى قۋاتى 290 مۆت بولاتىن جاڭارتىلاتىن ەنەرگەتيكا وبەكتىلەرى ىسكە قوسىلدى.

تۋريزم سالاسىندا دا ەلەۋلى وزگەرىستەر بايقالدى. وبلىس اۋماعىندا 3 مەملەكەتتىك ۇلتتىق تابيعي پارك اشىلدى: «كوكشەتاۋ» (1996 ج.)، «بۋراباي»  (2000 ج.) جانە «بۇيراتاۋ» (2011 ج.)، جالپى اۋدانى شامامەن 240 مىڭ گا. ششۋچينسك-بۋراباي كۋرورتتىق ايماعىنىڭ اۋماعىندا 15 ملرد تەڭگەدەن استام سوماعا تۋريزم جوبالارى ىسكە اسىرىلدى. جالپى ينۆەستيتسيا كولەمى 100 ملرد تەڭگە بولاتىن بۋراباي كۋرورتتىق ايماعىن دامىتۋ جوبالارىن ىسكە اسىرۋ كوزدەلگەن.

وبلىستىڭ الەۋەتىن ارتتىرۋ شەڭبەرىندە 2025 جىلعا دەيىن اوك، ەنەرگەتيكا، قۇرىلىس ماتەريالدارىن ءوندىرۋ، كولىك جانە لوگيستيكا، ت. ب. پەرسپەكتيۆالى سالالاردا جالپى سوماسى 2 ترلن تەڭگە بولاتىن 340-قا جۋىق ماڭىزدى ينۆەستيتسيالىق جوبانى ىسكە اسىرۋ كوزدەلگەن.

مەملەكەت باسشىسى قاسىم-جومارت توقاەۆتىڭ جارلىعىنا سايكەس، پرەمەر-مينيستر تاۋەلسىزدىك كۇنىنە وراي اقمولا وبلىسىنىڭ اۋىل شارۋاشىلىعى تاۋارىن وندىرۋشىلەرىنە، كاسىپورىنداردىڭ جۇمىسشىلارىنا، دەنساۋلىق ساقتاۋ، سپورت، باق سالاسىنىڭ وكىلدەرىنە جانە كاسىپكەرلەرگە مەملەكەتتىك ناگرادالاردى تابىستادى.

«پاراسات» وردەنىمەن ء«ارىپ-اگرو» جشس ديرەكتورى ءۋاليحان ءارىپوۆ، II دارەجەلى «دوستىق» وردەنىمەن «كازروست» كومپانيالار توبىنىڭ قۇرىلتايشىسى داۆيد بەجۋاشۆيلي، «قۇرمەت» وردەنىمەن – «ENKI» جشس ديرەكتورى مىرزاباي ابدىقالىقوۆ جانە «تۇقىم اگرو» جشس ديرەكتورى يگور پۋگاچەۆ، III دارەجەلى «ەڭبەك داڭقى» وردەنىمەن – «قامقور لوكوموتيۆ» جشس «اتباسار ەلەكتروۆوز جوندەۋ زاۋىتى» فيليالىنىڭ اۆتوماتتى تسەحىنىڭ جىلجىمالى قۇرامىن جوندەۋ سلەسارى ساكەن ءابدىراحمانوۆ جانە «ەپك ستەپنوگورسك» اق تەحنيكالىق باقىلاۋ ۋچاسكەسىنىڭ شەبەرى تاتيانا ششەرباكوۆا ماراپاتتالدى.

«ەرەن ەڭبەگى ءۇشىن» مەدالىمەن «قازاقستان اگرويننوۆاتسيالىق كورپوراتسياسى» جشس باس ديرەكتورى ولەگ بالىبين، «كي 811 اۆتوجوندەۋ زاۋىتى» اق باس ديرەكتورى راميل بايازيتوۆ، «كتك» تەلەارناسىنىڭ مەنشىكتى ءتىلشىسى ايزات دۇيسەن ماراپاتتالدى.

«شاپاعات» مەدالىمەن «قازاقستان حالىق بانكى» اق اقمولا وبلىستىق فيليالىنىڭ ديرەكتورى داۋلەت توپين، قر قۇرمەت گراموتاسىمەن جەكە كاسىپكەر بولات ءابدىراحمانوۆ، «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىمەن «رودينا» اگروفيرماسى» جشس باس ديرەكتورى يۆان ساۋەر، اقمولا وبلىسىنىڭ دەنساۋلىق ساقتاۋ سالاسىنىڭ ەڭبەك سىڭىرگەن ارداگەرى بولات ءجانادىلوۆ، جوعارى سپورت شەبەرلىگى مەكتەبىنىڭ بوكستان حالىقارالىق دارەجەدەگى سپورت شەبەرى تەمىرتاس ءجۇسىپوۆ ماراپاتتالدى.

ءىسساپار بارىسىندا ۇكىمەت باسشىسى «ENKI» جشس كەراميكالىق كىرپىش شىعارۋ جوباسىنىڭ II كەزەڭىنىڭ اشىلۋ راسىمىنە قاتىستى. كاسىپورىننىڭ قۋاتى جىلىنا 30 ملن دانا كىرپىشتى قۇرايدى. 2010 جىلى پايدالانۋعا بەرىلگەن كىرپىش زاۋىتى جوباسىنىڭ I كەزەڭىن ەسكەرە وتىرىپ، كىرپىش ءوندىرىسىنىڭ جالپى قۋاتى جىلىنا 90 ملن دانانى، ال جۇمىس ورىندارىنىڭ سانى 400-ءدى قۇرايدى. زاۋىت ءونىمى قر ىشكى نارىعىنا جەتكىزىلەدى، سونداي-اق شەتەلگە ەكسپورتتالادى.

سونىمەن قاتار، پرەمەر-مينيستر اقمولا وبلىستىق تاريحي-ولكەتانۋ مۋزەيىندەگى «تاۋەلسىزدىكتىڭ 30 جىلى» جاڭا زالىمەن تانىستى، «Bolashaq sarai» سارايىنا جانە «كوكشەتاۋ» مادەنيەت سارايىنا باردى.