اتىراۋ قالالىق اكىمدىگى مەن جولاۋشى تاسىمالدايتىن كاسىپورىنداردىڭ باسشىلارى تۇرعىندارعا وسىنداي تارتۋ جاساپ وتىر.
«اتىراۋ قالاسىندا مەرەكە كۇندەرى جولاۋشى تاسىمالداۋ ءۇشىن ادەتتەگىدەي 220 اۆتوبۋس مارشرۋتقا شىعادى. ەل تاۋەلسىزدىگىنىڭ 30 جىلدىق مەرەيتويىنا بايلانىستى اتىراۋ قالالىق اكىمدىگى مەن جولاۋشى تاسىمالدايتىن كاسىپورىندار باسشىلارىنىڭ ورتاق شەشىمىمەن 16, 17 جەلتوقساندا بارلىق باعىتتاعى قوعامدىق كولىكتەردە جول ءجۇرۋ تەگىن بولادى. ەكى كۇن بويى تەگىن ءجۇرۋ قۇقىعىن جاس شاماسىنا قاراماستان, بارلىق جولاۋشى پايدالانا الادى» دەپ حابارلادى اكىمدىكتىڭ ءباسپاسوز قىزمەتى.
قالالىق اكىمدىك جولاۋشىلاردى قوعامدىق كولىكتە ماسكا تاعۋ رەجيمىن ساقتاۋعا شاقىرىپ وتىر.
