پرەزيدەنت • 07 جەلتوقسان، 2021

«قاراپايىم زاتتار ەكونوميكاسى» باعدارلاماسىنىڭ مەرزىمى ۇزارتىلدى

78 رەت كورسەتىلدى

بۇل تۋرالى قر پرەزيدەنتى قاسىم-جومارت توقاەۆ «التىن ساپا» سىيلىعى جەڭىمپازدارىن قۇتتىقتاۋ كەزىندە ايتتى، دەپ حابارلايدى Egemen.kz.

«مەنىڭ تاپسىرمام بويىنشا «قاراپايىم زاتتار ەكونوميكاسى» باعدارلاماسىنىڭ مەرزىمى كەمىندە 1 ترلن تەڭگە مولشەرىندەگى قورمەن 2022 جىلدىڭ سوڭىنا دەيىن ۇزارتىلادى. ەكىنشىدەن، مەملەكەت وتاندىق بيزنەستىڭ كورشى ەلدەردىڭ نارىعىنا شىعۋى ءۇشىن وسى زاماناۋي ينفراقۇرىلىمدى دايەكتى تۇردە دامىتىپ كەلەدى.

«قورعاس» حالىقارالىق شەكارا ماڭى ىنتىماقتاستىعى ورتالىعى تابىستى جۇمىس ىستەۋدە. وسى جۇمىس شەڭبەرىندە تاعى ءتورت ترانسشەكارالىق حاب سالۋ جوسپارلانۋدا. ونىڭ ەكەۋىن رەسەيمەن شەكارادا جانە وزبەكستان مەن قىرعىزستان شەكارالارىندا ءبىر-ءبىر حاب بوي كوتەرەدى. بۇل ترانزاكتسيالىق شىعىنداردى ازايتۋعا، كولىك لوگيستيكاسىنىڭ تيىمدىلىگىن ارتتىرۋعا، سونىڭ ناتيجەسىندە ەكسپورتىمىزدى ۇلعايتۋعا مۇمكىندىك بەرەدى»، دەدى پرەزيدەنت.

اتالمىش شارادا مەملەكەت باسشىسى «پارىز» بايقاۋىنا قاتىسۋشىلار بيىل الەۋمەتتىك جوبالارعا 20 ملرد تەڭگە جۇمساعانىن اتاپ ءوتتى.

«وتاندىق كاسىپكەرلەر مەن قازاقستانداعى حالىقارالىق كومپانيالار الەۋمەتتىك جاۋاپكەرشىلىك قاعيداسىن ءاردايىم بەرىك ۇستانىپ كەلەدى. ولار ىندەت كەزىندە ەلىمىزدىڭ دەنساۋلىق ساقتاۋ جۇيەسىنە زور قولداۋ كورسەتتى. جالپى بيىلعى «پارىز» بايقاۋىنا قاتىسۋشىلار الەۋمەتتىك جوبالارعا جانە قايىرىمدىلىق شارالارىنا 20 ملرد تەڭگەگە جۋىق قارجى جۇمسادى. سونىمەن بىرگە 7 000 جاڭا جۇمىس ورنىن اشتى»، دەدى قاسىم-جومارت توقاەۆ.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار