قوعام • 06 جەلتوقسان، 2021

قازاقستاندىقتار زەينەتاقى جيناقتارىن مەرزىمىنەن بۇرىن الۋعا اسىقتى

168 رەت كورسەتىلدى

سوڭعى ءۇش كۇندە  enpf-otbasy.كz پلاتفورماسى ارقىلى بىرجولعى زەينەتاقى تولەمدەرىن پايدالانۋعا 46 مىڭ ءوتىنىش كەلىپ ءتۇستى، دەپ حابارلايدى Egemen.kz.

بۇگىنگى تاڭدا enpf-otbasy.كz پلاتفورماسىن پايدالانۋشىلار 43 744 ءوتىنىم بويىنشا بجزق-دان جالپى سوماسى 242 ملرد تەڭگە بولاتىن وتباسى بانكتەگى ارنايى شوتتارىنا قاراجات ءتۇسۋىن كۇتۋدە.

«3 جەلتوقساندا قازاقستاندىقتاردان زەينەتاقى ارتىعىن پايدالانۋعا 16 000 ءوتىنىم كەلىپ ءتۇستى. بۇل قازاقستاندىقتار جىل باسىنان بەرى تۇرعىن ءۇي جاعدايلارىن جاقسارتۋ جانە ەمدەۋ ءۇشىن بىرجولعى زەينەتاقى تولەمدەرىن پايدالانۋ مۇمكىن بولعان كەزدە قويعان وتىنىمدەردىڭ سانى بويىنشا رەكوردتىق كورسەتكىش»، دەپ جازادى وتباسى بانكىنىڭ ءباسپاسوز قىزمەتى.

بانكتىڭ اقپاراتى بويىنشا، ادەتتەگى كۇندەرى پلاتفورما ارقىلى كۇنىنە 2 200-گە جۋىق ءوتىنىم وڭدەلدى.

قازاقستاندىقتار وزدەرىنىڭ زەينەتاقى ارتىعىن قولدانىستاعى يپوتەكانى تولىق نەمەسە ءىشىنارا وتەۋگە، جىلجىمايتىن م ۇلىكتى تولىق ساتىپ الۋعا، پاتەر ساتىپ الۋ نەمەسە ءۇي سالۋ (جەر ۋچاسكەسىن ساتىپ الۋدى قوسا العاندا) ءۇشىن قارىزدى رەسىمدەۋ ءۇشىن باستاپقى جارنا رەتىندە، ساتىپ الۋ قۇقىعىمەن جالداۋ شارتى بويىنشا بەرەشەكتى وتەۋگە، ەمدەلۋگە پايدالانا الادى.

2021 جىلعى 3 جەلتوقسانداعى دەرەكتەر بويىنشا بۇل مۇمكىندىكتى 1،68 ترلن تەڭگە سوماعا 338 499 ادام پايدالانعان.

سوڭعى جاڭالىقتار

ۇقساس جاڭالىقتار