ايماقتار • 06 جەلتوقسان، 2021

مي ءينسۋلتىن 10-اق مينۋتتا انىقتايدى

166 رەت كورسەتىلدى

شىمكەنت قالاسىنداعى №2 اۋرۋحانادا مي ءينسۋلتىن دياگنوستيكالايتىن جاساندى ينتەللەكت جۇيەسى ىسكە قوسىلدى. جاڭا تەحنولوگيالىق ءادىس ينسۋلت اۋرۋىن 10 مينۋت ىشىندە انىقتاۋعا مۇمكىندىك بەرەدى، دەپ حابارلايدى Egemen.kz.

شىمكەنت قالاسىنىڭ №2 اۋرۋحانا بازاسىندا «CEREBRA» جوباسىنىڭ تانىستىرىلىمى ءوتتى. ءىس-شارا بارىسىندا جاڭا جۇيەنىڭ بۇگىنگى مەديتسينا سالاسىنداعى ماڭىزدىلىعى ءتۇسىندىرىلدى. جاڭا جوبا ارقىلى دارىگەرلەر ينسۋلتتى ەرتە دەڭگەيدە انىقتاپ، بىردەن يشەمياعا ۇشىراعان ايماقتى بىلۋگە، ۋاقىتىندا ەمدەۋگە كىرىسۋگە، قاجەتتى وتا جاساۋعا قارسى كورسەتىلىمنىڭ بار-جوعىن انىقتاۋ مەن ەمدەۋ شارالارىن دەر كەزىندە جاساي الادى.

مەديتسينا ماماندارىنىڭ ايتۋىنشا، ينسۋلتتىڭ دەر كەزىندە انىقتالماۋىنا كوبىنە ادامي فاكتور اسەر ەتەدى. ال «CEREBRA» جوباسى ينسۋلتتى 10 مينۋت ىشىندە انىقتاۋعا جانە ينسۋلت يادروسىنداعى تىندەردىڭ تىعىزدىعىنىڭ وزگەرۋىن ەسەپتەۋگە جاردەمدەسەدى.

بۇگىندە اتالمىش جوباعا 6 قالا مەن 8 ينسۋلتتىق ورتالىق قوسىلعان. الداعى ۋاقىتتا جاساندى ينتەللەكت نەۆرولوگيادا دا قولدانىلاتىن بولادى.

رەسمي مالىمەتتەرگە سۇيەنسەك، ەلىمىزدە جىل سايىن 40 مىڭنان استام ادام ينسۋلتتەن زارداپ شەگەدى. جىل وتكەن سايىن اۋرۋدىڭ ءتۇرى جاسارىپ كەلەدى. مەديتسينا ماماندارى ەلىمىزدە ينسۋلت دەرتىنىڭ الدىن الۋ ءۇشىن ەرتە دياگنوز قويىپ، ناۋقاستاردىڭ ەمدەلۋگە قولجەتىمدىلىگىن ارتتىرۋ باعىتىنداعى شارالاردى ارتتىرۋ قاجەت ەكەنىن ايتادى.

1

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار