رەسمي مالىمەتكە سايكەس, سىبايلاس جەمقورلىققا قارسى ءىس-قيمىل اگەنتتىگى مەن ۇلتتىق قاۋىپسىزدىك كوميتەتىنىڭ وبلىستىق دەپارتامەنتتەرى بىرلەسكەن وپەراتسيا وتكىزگەن. سول كەزدە 800 مىڭ تەڭگە كولەمىندە پارا العان «جامبىل جۇك تاسىمالى بولىمشەسى» جشس «قتج - جۇك تاسىمالى» فيليالىنىڭ باستىعى ۇستالعان.
«اتالعان لاۋازىمدى تۇلعا قابىلدانعان جىلدىق ەسەپتەر بويىنشا وڭ شەشىم شىعارعانى ءۇشىن, سونداي-اق ارى قاراي قامقورلىق جاسايمىن دەپ اقشا العان», دەلىنگەن رەسمي حابارلامادا.
قازىرگى كەزدە تەرگەۋ شارالارى جالعاسىپ جاتىر. وسىعان بايلانىستى وزگە اقپارات جاريالاۋعا جاتپايدى.
