قازاقستان • 06 جەلتوقسان، 2021

پوليتسەيلەر ءۇشىن ارنايى تۇرعىن ءۇي باعدارلامالارى ازىرلەنەدى

117 رەت كورسەتىلدى

قر ىشكى ىستەر مينيسترلىگى پوليتسەيلەرگە ارنايى تۇرعىن ءۇي باعدارلامالارىنا قاتىسۋعا مۇمكىندىك بەرۋ ءۇشىن «وتباسى بانكىمەن» كەلىسىم جاساسۋعا نيەتتى. بۇل تۋرالى قر ءىىم رەسمي وكىلى ءنۇردىلدا وراز بريفينگ بارىسىندا مالىمدەدى، دەپ حابارلايدى Egemen.kz.

«بانكتەرمەن بىرلەسكەن جۇمىس جۇرگىزىلۋدە. قازىر «وتباسى بانكى» باسقارماسىمەن كەلىسىم جاساسۋ بويىنشا ماسەلە پىسىقتالۋدا، بۇل پوليتسەيلەرگە بانكتىڭ ارنايى تۇرعىن ءۇي باعدارلامالارىنا قاتىسۋعا جانە ءتيىمدى شارتتارمەن تۇرعىن ءۇي الۋعا مۇمكىندىك بەرەدى»، دەدى ءنۇردىلدا وراز.

بۇعان دەيىن حابارلانعانداي، ەلىمىزدە باسپاناعا مۇقتاج پوليتسەيلەردىڭ 70%-دان استامى ارنايى جەڭىلدىكتەرمەن قامتاماسىز ەتىلگەن.

«2014 جىلى قىزمەتكەرلەردىڭ بەلگىلى ءبىر ساناتىنا تۇرعىن ءۇيدى جالداۋعا ارنالعان وتەماقى تولەۋ قۇقىعى بەرىلدى. باستاپقى كەزەڭدە 6 مىڭنان استام پوليتسيا قىزمەتكەرى وسى قۇقىققا يە بولدى، بۇل جەدەل-تەرگەۋ جانە كريميناليستيكالىق بولىمشەلەر. 2019 جىلى تىزبە پاترۋلدىك پوليتسيا جانە ۋچاسكەلىك ينسپەكتورلار لاۋازىمدارىمەن تولىقتىرىلدى. سول كەزدە قىزمەتكەرلەردىڭ جالپى سانى 9 مىڭنان استام ادامدى قۇراعان بولاتىن»، دەپ ءتۇسىندىردى ءنۇردىلدا وراز.

سپيكەر جىل باسىنان بەرى مۇنداي لاۋازىمداردىڭ ءتىزىمىن ۋچاسكەلىك كومەكشىلەر، ارنايى مەكەمەلەر مەن ايداۋىل قىزمەتى، كۇزەت جانە كينولوگيالىق بولىمشەلەر، مەديتسينالىق بولىمشەلەر مەن قىلمىستىق-اتقارۋ جۇيەسىندەگى سوتتالعانداردىڭ ەڭبەگىن ۇيىمداستىرۋ بولىمشەلەرى، كەزەكشى بولىمدەر مەن جەدەل باسقارۋ ورتالىقتارىنىڭ قىزمەتكەرلەرى تولىقتىرعانىن قوسا ايتتى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار