ايماقتار • 06 جەلتوقسان، 2021

«قالامگەرلەر اللەياسى» اشىلدى

30 رەت كورسەتىلدى

قىزىلوردا قالاسىنىڭ اكىمى عانيبەك قازانتاەۆقا وبلىس ورتالىعىندا «قالامگەرلەر اللەياسىن» اشۋ جايلى ۇسىنىس ايتىلعان ەدى. باق وكىلدەرىمەن ەركىن فورماتتا وتكەن ەمەن-جار­قىن جۇزدەسۋدە قالا باس­شىسى قالامداستار ۇسى­­نىسىن قولداعان. تۇڭعىش پرەزيدەنت كۇنى مەرە­كەسى قار­ساڭىندا وب­لىس ورتا­لىعىنداعى قال­تاي مۇحا­مەدجانوۆ، ءاب­دىلدا تاجى­باەۆ، زەينول­لا شۇكى­روۆ­تەردىڭ ەس­كەرت­كىشى ورنا­لاس­قان اۋماق­تان اللەيا اشىلىپ، قا­لا اكىمىنىڭ ورىنباسارى بەك­تاس نۇريدينوۆ جينال­عان قاۋىمدى مەرەكەمەن قۇتتىقتادى.

قازاقستان جازۋشىلار وداعىنىڭ مۇشەسى، قى­زىلوردا قوعامدىق تەلەار­ناسىنىڭ قۇرىلتايشىسى، وب­لىستىق ءماسليحات دەپۋتاتى شاھيزادا ابدى­كارىموۆ قالامداستارعا قول­داۋ تانىتقان ازاماتتارعا العىسىن ايتسا، ارداگەر جۋر­ناليستەر جولداسبەك اق­ساقالوۆ پەن يگور تي­تەنوك اللەيا لەنتاسىن قيدى. جەرگىلىكتى ونەرپازدار تەاتر­لاندىرىلعان قويى­لىم كورسەتتى.

وسى كۇنى ستۋدەنتتەر سارايىندا قالا اكىمى عانيبەك قازانتاەۆ باق وكىلدەرىمەن كەزدەسىپ، بيىلعى جازدا وتكەن جۇزدەسۋدە ايتىلعان ماسەلەلەر بويىنشا ات­قا­­رىلعان جۇمىستار جاي­لى تاراتا ايتتى. جۋر­نا­ليستەردىڭ ۇسىنىس-پىكىر­لەرى نازارعا الىنىپ، ارنايى ءىس-شارالار جوسپارى بەكىتىلگەن.

– ماعان ەلدىڭ مۇڭ-مۇقتاجىن كوتەرىپ جۇرگەن جۋرناليستەردىڭ پىكىرى ما­ڭىزدى. سوندىقتان دا سىزدەرمەن توقسان سايىن كەز­دەسىپ وتىرۋ داس­تۇر­گە اي­نالدى. شاھار تىر­شى­­لىگىنە قاتىستى تىڭ باس­تا­­ما­لاردى جوسپارلاۋ­دا ين­فراقۇرىلىم مەن كوم­مۋ­نالدىق قىزمەت ساپاسىن جاقسارتۋ، قالانى اباتتاندىرۋ باعىتىنداعى ۇسىنىس-پىكىرلەرىڭىز ەسكەرىلدى، – دەدى قالا باسشىسى.

باسقوسۋدا ارىپتەس­تە­رىمىز اللەيا ءۇشىن العىس ايتىپ، ۇسىنىستارىن ورتاعا سالدى. شەت ايماقتارداعى جول، قوعامدىق كولىك، قىسقا دايىندىق، قالا تا­زالىعى قاتىستى ما­سە­لەلەردى كو­تەردى. قى­زىل­­وردا قوعام­دىق تەلە­ارناسىنىڭ قۇرىل­تاي­شىسى، اقىن شاھيزادا ابدى­­كارىموۆ جاڭا اللەيانى قالام­گەرلەر باس قوساتىن ور­تا­لىعىنا اينالدىرۋ ءۇشىن ار­نايى شارالار وت­كىزىپ تۇرۋدى ۇسىندى.

 

قىزىلوردا

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار