كينو • 03 جەلتوقسان، 2021

«بوكسشى» ءفيلمىن تاماشالادى

77 رەت كورسەتىلدى

الماتىدا قازاقستاندىق سپورتشى سەرىك ساپيەۆتىڭ وليم­پيادا التىنىنا قول جەت­كىزۋ تاريحىن بايان­داي­تىن «بوكسشى» ءفيل­مىنىڭ تۇساۋ­كەسەرى ءوتتى. كينوتۋى­ن­دىنىڭ العاشقى كورسەتىلىمىنە باستى كەيىپكەردىڭ ءپروتوتيپى، اتاق­تى سپورتشى سەرىك ساپيەۆ قاتىستى.

– فيلمدە مەنىڭ ءومىر­بايا­­نىم سۋرەتتەلگەن، بارلىق كەيىپكەر دە ومىردە بار ادام­دار. ءوزىنىڭ الدىنا ماق­سات قويعان ادامنىڭ قانداي جەتىس­تىكتەرگە قول جەتكىزە الاتى­نىن باياندايتىن تۋىندى. ءفيلم­دى تۇسىرمەس بۇرىن ستسەناري اۆتورلارىمەن جانە رەجيسسەر اقان ساتاەۆپەن بىرنەشە رەت كەزدەسىپ، كارتينانىڭ جە­­لى­سىن تالقىلادىق. ءفيلم­نىڭ بار­لىق ءتۇسىرۋ توبىنا ال­عىسىم­دى بىلدىرەمىن، – دەدى سەرىك ساپيەۆ.

تۇساۋكەسەر راسىمىندە ءسوز سويلەگەن رەجيسسەر اقان سا­تاەۆ كەلگەن قوناقتارعا العى­سىن ءبىلدىرىپ، بۇل پرەمەرانى ۇزاق ۋاقىت كۇتكەندەرىن ايتتى.

– وسى جوبادا بار كۇشىن سالىپ، شەبەرلىكپەن ەڭبەك ەتكەن ءفيلمنىڭ ءتۇسىرۋ توبىنا راحمەت ايتامىز. كينو­تۋىندىنىڭ جارىققا شى­عۋىنا سەبەپكەر بولعان ما­دە­نيەت جانە سپورت مي­­­نيس­تر­لىگىنە، «ۇلتتىق كينو­نى قول­داۋ مەملەكەتتىك ورتا­لى­­­عى­نا»، سونداي-اق ءتۇسى­رى­لىم­ كەزىندە بىزگە قولداۋ كورسەت­كەن قالا باسشىلىعى­نا، سپورت بازالارى­نىڭ جەتەك­شىلەرىنە العىسىمدى جەت­كىز­گىم كەلەدى، – دەدى رەجيسسەر.

«بوكسشى» ءفيلمىنىڭ ال­عاشقى كورسەتىلىمىنە كەلگەن قوناقتار اتالعان كينو­تۋىن­دى كوڭىلدەن شىققا­نىن جاسىرماي، فيلم سوڭىن­دا ۇزاق قول سوعىپ، اكتەرلەرمەن سۋرەتكە ءتۇستى.

– فيلم ماعان ۇنادى، ەرەكشە اسەر الدىم. وليم­پيا­دا­نىڭ الدىندا قانداي سەزىمدە بولسام، بۇگىن دە سول تول­عانىستى قايتا باس­تان كەش­تىم، كەيبىر ساحنالارى ءتىپتى جۇ­رەككە ءتيدى. بۇل ءفيلم­دى انام دا كورگىسى كەلىپ، پرو­كات­قا شىققانىن كۇتىپ وتىر، – دەدى سەرىك ساپيەۆ.

ايتا كەتسەك، «بوكسشى» ءفيلمى ەلىمىزدىڭ بارلىق كينوتەاترلارىنان كورسەتىلە باستايدى.

 

الماتى

 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار