سپورت • 03 جەلتوقسان، 2021

سپورتتى سەرىك ەتكەن

46 رەت كورسەتىلدى

بۇقارالىق سپورت – ۇلت ساۋلىعىنىڭ باستى كەپىلى ەكەنى بارشاعا بەلگىلى. تاۋەلسىزدىك العان جىلدان بەرى ء«تانى ساۋدىڭ – جانى ساۋ» قاعيداسىن بەرىك ۇستانعان قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ قازاقستاندىقتاردى سالاماتتى ءومىر سالتىن ۇستانۋعا شاقىرىپ كەلەدى.

سۋرەت «ەگەمەن قازاقستاننىڭ» ارحيۆىنەن الىندى

ەلباسى قازاقستان حال­قى­نىڭ بولاشاعىنا تىكەلەي تۇتقا بولاتىن سپورت سالاسىن ەش­­قا­شان نازاردان تىس قالدىر­عان ەمەس. ءوزىنىڭ جىل سايىنعى جول­­داۋلارىندا، ءتۇرلى جيىن­داردا سويلەگەن سوزدەرىندە ءار­دايىم سپورتتى، ونىڭ ىشىن­دە بۇ­قارالىق سپورتتى دامى­تۋعا اي­رىقشا كوڭىل ءبولىپ كەلەدى. تۇڭعىش پرەزيدەنتتىڭ سپورت­قا دەگەن وسىنداي قامقور­لى­عى­نىڭ ارقاسىندا بۇگىندە تا­ۋەل­سىز ەلدىڭ ۇل-قىزدارى حا­لىق­­ارالىق جارىستاردا كوك تۋى­مىزدى كوكتە جەلبىرەتىپ، ءان­ۇرانىمىزدى شىرقاتىپ ءجۇر.

نۇرسۇلتان نازارباەۆ ءوزىنىڭ ءبىر سوزىندە: «حالقىمىز ەجەلدەن دەنساۋلىقتىڭ قادىرىن جەتە ءتۇسىنىپ، ونى باستى بايلىققا بالاعان. وسى قاعيدانى بەرىك ۇس­تانعان مەملەكەتىمىز ەل حال­قىنىڭ ويى سەرگەك، دەنى ساۋ بو­لۋى ءۇشىن قولدا بار مۇمكىندىكتىڭ ءبارىن جاساۋدا. دەنى ساۋ ۇلت باسەكەگە قابىلەتتى بولادى. سوندىقتان سپورتتىڭ بۇقارالىق سيپاتىن دامىتۋ – مەملەكەتىمىزدىڭ ستراتەگيالىق باسىم باعىتتارىنىڭ ءبىرى. سپورت – ەلدىڭ مەرەيىن اسىرىپ، ابى­رويىن تاسىتاتىن سالا. تاۋەلسىزدىك جىلدارى ەل سپورت­شىلارى حالىقارالىق ءىرى جا­رىستاردا توپ جارىپ، كوك باي­راعىمىز اسقاقتاي تۇسۋدە»، دەگەن بولاتىن.

ەلباسى تەك سوزبەن عانا ەمەس، جەكە ۇلگىسىمەن دە قازاق­ستان حالقىنا سالاماتتى ءومىر سالتىن بەلسەندى تۇردە ناسيحاتتايدى. تۇڭعىش پرەزيدەنت تىعىز جۇمىس كەستەسىنە قارا­ماستان، ءاردايىم سپورتپەن شۇعىلدانۋعا ۋاقىت تابا­دى. ماسەلەن، نۇرسۇلتان نازارباەۆ­تىڭ ەڭ سۇيىكتى سپورت ءتۇ­رىنىڭ ءبىرى – ۇلكەن تەننيس. ۇلت كوشباسشىسى راكەتكانى ەركىن مەڭگەرگەن جانە كورت­قا جۇيەلى تۇردە شىعىپ تۇ­رادى. ايتا كەتەرلىگى، ۇلكەن تەننيستى كوپتەگەن ساياساتكەر مەن ءتۇرلى ەلدىڭ پرەزيدەنتتەرى جانىنا سەرىك ەتكەن. ءوز كە­زىن­دە ەلباسىنىڭ لايىقتى ارىپ­تە­سىنىڭ ءبىرى رەسەيدىڭ تۇڭعىش پرە­زيدەنتى بوريس ەلتسين بولعان.

سونىمەن قاتار تۇڭعىش پرە­زيدەنتتىڭ تاعى ءبىر دەن قويعان سپورتى – گولف. ەلبا­سى وزگە دە بەلگىلى الەم­دىك سايا­­­ساتكەرلەر جانە بيزنەس­مەن­­­دەردىڭ قاتارىندا ءتۇرلى حا­­لىقارالىق تۋرنيرلەرگە دە ءجيى قاتىسادى. ءوزىنىڭ ايتۋىن­­شا، تۇڭعىش پرەزيدەنت العاش تاۋ شاڭعىسىن 55 جا­سىن­دا مەڭگەرىپتى. سودان بەرى نۇرسۇلتان نازارباەۆتىڭ شىم­­­بۇلاق شاتقالىندا جانە باس­قا دا تاۋلى كۋرورتتاردا كۇنى بۇگىنگە دەيىن شاڭعى تەۋىپ جۇر­گەنىن كورۋگە بولادى.

بۇگىندە قازاقستاندا جاڭا سپورت كەشەندەرى، باسسەيندەر، گولف الاڭدارى، تەننيس كورتتارى اشىلۋدا. ولاردىڭ ءبارى قا­زاقستاندىقتاردىڭ يگىلىگى مەن دەنساۋلىعىنا قىزمەت ەتەدى. وعان قوسا، الماتىدا تاۋ شاڭعىسى ءتۋريزمى جىل وتكەن سايىن تانىمال بولا تۇسۋدە.

تۇڭعىش پرەزيدەنتتىڭ سىندارلى جانە جۇيەلى مەملە­كەتتىك ساياساتىنىڭ ناتي­جە­سىندە قازاقستاندىقتار سپورتپەن كو­بىرەك اينالىسىپ، ءوز دەنساۋلىعىنا ءجىتى كوڭىل بولە باستادى. سالاماتتى ۇلت – قا­زاق­­ستان تابىسىنىڭ باستى كەپىلى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار