قازاقستان • 02 جەلتوقسان، 2021

قازاق تەلەراديوسىنىڭ جادىگەرلەرى ساقتالعان سايت ىسكە قوسىلدى

107 رەت كورسەتىلدى

بۇگىن Kazmedia ورتالىعىندا «قازاقستان» تەلەراديوكورپوراتسياسىنىڭ altynqor.com cايتى تانىستىرىلدى. جاڭا سايتتا 1930 جىلداردان بەرى قازاق تەلەۆيزياسى قورىندا ساقتالعان قۇندى ۆيدەو جانە اۋديوماتەريالدار توپتاستىرىلعان. بۇل تۋرالى كورپوراتسيانىڭ باسقارما ءتورايىمى ءلازات تانىسباي مالىمدەدى، دەپ حابارلايدى Egemen.kz.

«بۇل - التىن قوردا ۇزاق جىلداردان بەرى ساقتالعان مۇرانى قىزىعۋشىلىق تانىتقان ءاربىر جانعا قولجەتىمدى ەتۋ ءۇشىن جۇزەگە اسىرىلعان جوبا. ساعىنىشقا اينالعان بەينەلەر مەن داۋىستاردى، مازمۇنىن جوعالتپاعان حابارلاردى وسىنداي جولمەن حالىقتىڭ يگىلىگىنە قايتا ۇسىنۋدى ءجون كوردىك. سايتتى زەرتتەۋشى عالىمدار دا اشىق دەرەككوز رەتىندە پايدالانا الادى. بۇگىندە قوردا 110 مىڭنان استام بەينە جانە اۋديوماتەريال بولسا، ونىڭ قاتارى جىل سايىن 1000 ماتەريالمەن تولىقتىرىلىپ وتىرادى. سوندىقتان سايتتى تولتىرۋ ءىسى تۇراقتى تۇردە جالعاسىن تاۋىپ وتىرادى»، دەدى ءلاززات تانىسباي سايتتىڭ تانىستىرىلىمىندا.

سايتقا جاريالانعان ماتەريالدار بىرنەشە ءبولىم بويىنشا ىرىكتەلگەن. مىسالى، «بەينەقور» بولىمىندە س.اشىمباەۆ، ش.مۇرتازا، س.ورازالين جۇرگىزگەن «پارىز بەن قارىز»، «ۇلت جانە سانا»، «سۇحبات» باعدارلامالارى، «تاماشا»، «حالىق قازىناسى»، «اسىل مۇرا»، «ادام ىزدەپ ءجۇرمىن»، «كەلەسى ايالداما»، «كەش جارىق»، «كۇلتوبە» سىندى 800-دەن استام بولىمنەن تۇراتىن 50 تەلەحابار، «سوۆەتتىك قازاقستان» كينوجۋرنالى مەن «قازاقتەلەفيلم» وندىرىستىك بىرلەستىگىنىڭ جوبالارى بار.

ال «تۇلعالار» بولىمىندە ك.ازىرباەۆ، م.اۋەزوۆ، س.مۇقانوۆ، ع.مۇسىرەپوۆ، ع.مۇستافين، ءا.تاجىباەۆ، ش.جيەنقۇلوۆا، ك. بايسەيىتوۆا، ش.ايمانوۆ، ش.ايتماتوۆ، ق.مىرزا ءالى سىندى تۇلعالاردىڭ قاتىسۋىمەن ءار جىلدارى تۇسىرىلگەن بەينەتوپتامالار قامتىلعان.

«اۋديوقور» بولىمىنە 1954 جىلدان بەرگى ساقتالعان م.اۋەزوۆ، س.مۇقانوۆ، ءى.ەسەنبەرلين، ب.سوقپاقباەۆ، ع.مۇسىرەپوۆ سىندى 100 ۇلت قايراتكەرىنىڭ ءار جىلدارى جازىلىپ الىنعان داۋىستارى، ق.بايجانوۆ، ك.ازىرباەۆ، ق.باباقوۆ، ءا.قاشاۋباەۆ، ج.ەلەبەكوۆ، ج.كارمەنوۆ، م.ەشەكەەۆ سياقتى قازاق ءان ونەرى مايتالماندارىنىڭ داۋىسىمەن جازىلعان 132 ءان، ءار جىلدارى قازاقستان توڭىرەگىندە جۇرگىزىلگەن ءتۇرلى ەكسپەديتسيالارداعى شەشەندىك ونەر جايىنداعى سۇحباتتار، باتىرلار جىرىنىڭ 50 نۇسقاسى، 100 كۇي، 100 ەرتەگى نۇسقاسى، «سىڭسۋ»، بەسىك جىرى، «جار-جار»، «بەتاشار»، «جاراپازان»، جوقتاۋ» سىندى تۇرمىستىق-عۇرىپتىق اندەر ەنگىزىلدى.

قوسا كەتسەك، ءىس-شارا اياسىندا قازاق راديوسىنىڭ 100 جىلدىعىنا وراي جارىققا شىققان «التىن قور. امانات» اۋديوجيناعى تانىستىرىلدى. انتولوگيا ء«داۋىر ءۇنى»، «اتادان قالعان اسىل ءسوز»، «باتىرلار جىرى»، ء«ان ونەرى»، «كۇي»، «سالت-ءداستۇر» جانە «ەرتەگى» دەپ اتالاتىن 7 بولىمنەن تۇرادى. اۋديوجيناقتىڭ ەرەكشەلىگى - ۇسىنىلعان تۋىندىلار ارنايى فلەش-كاردقا جازىلعان. ءار ءبولىمنىڭ سوڭىنداعى QR-كود ارقىلى راديو جانە altynqor.com سايتىنان جيناقتىڭ ەلەكتروندى نۇسقاسىن تىڭداۋعا بولادى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار