GoTour تۋريستىك اگەنتتىگىنىڭ ديرەكتورى يانا حايرۋتدينوۆانىڭ ايتۋىنشا, قازىرگى ۋاقىتتا دايىن تۋرپاكەتتەردى دايىنداۋ تەك قازاقستاندا عانا ەمەس, بۇكىل الەمدە ەپيدەميولوگيالىق جاعداي تۇراقتالعانعا دەيىن بەلگىسىز مەرزىمگە شەگەرىلدى.
«بۇل باعىت وتاندىق تۋريستەر اراسىندا ارقاشان تانىمال بولدى. بۇرىن حابارلانعانداي, مالايزيادا حالىقارالىق تۋريستىك كوپىرشىكتىڭ پيلوتتىق جوباسى انىقتالدى, ونى كوروناۆيرۋستىق پاندەميانى باسقارۋ جونىندەگى ارنايى كوميتەت ماقۇلدادى. بىزگە مالايزياعا تۋرلار بويىنشا وتىنىمدەر ءتۇسىپ جاتىر», دەدى يانا حايرۋتدينوۆا.
مالايزيا بيلىگى جاريالاعان ەرەجەلەرگە سايكەس, ەل اۋماعىنا كىرۋ ءۇشىن قازاقستاندىقتارعا قاجەت:
- ددۇ ماقۇلداعان ەكى كومپونەنتتى پرەپاراتپەن, سونداي-اق رەسەيلىك «Sputnik V» ۆاكتسيناسىن سالدىرتقانى تۋرالى سەرتيفيكات.
- بەلگىلەنگەن ۇشۋعا دەيىن 72 ساعاتتان ەرتە ەمەس ۋاقىتتا جاسالعان پتر-تەستىنىڭ تەرىس ناتيجەلەرى.
- ەڭ تومەنگى وتەمى 80 مىڭ دوللاردى قۇرايتىن ساقتاندىرۋ ءپوليسى.
- بارلىق قاجەتتى قىزمەتتەردىڭ برونداۋىن جانە ليتسەنزيالانعان تۋريستىك كومپانيالاردىڭ ءبىرىنىڭ تۇرۋىن راستايتىن قۇجات.
- كەلۋ كەزىندە ۆيزا الۋ قۇقىعى بولماسا, جارامدى ۆيزاسى بار پاسپورت.
18 جاسقا دەيىنگى بالالارعا ۆاكتسيناتسيالانباۋعا رۇقسات ەتىلەدى, بىراق ولاردىڭ اتا-انالارى نەمەسە بىرگە جۇرەتىن قامقورشىلارى مىندەتتى تۇردە ۆاكتسينالانعان بولۋى كەرەك.
ۆاكتسيناتسيالانعان ساياحاتشىلار كارانتيننەن بوساتىلادى, ولارعا لانگكاۆي ارالىنىڭ اۋماعىندا ەركىن جۇرۋگە رۇقسات ەتىلەدى. كۋالا-لۋمپۋر حالىقارالىق اۋەجايىنا كەلگەن قازاقستاندىقتارعا مولەكۋليارلىق تەست تاپسىرىپ, تەرىس ناتيجەلەر الۋ, يمميگراتسيالىق باقىلاۋدان ءوتۋ, سونداي-اق لانگكاۆيگە دەيىنگى ىشكى رەيسكە تىركەلۋ قاجەت بولادى.
سونداي-اق, تۋراگەنتتىكتە ستاندارتتى راسىمدەر ۋاقىت وتە كەلە وزگەرەتىنى, ال مالايزيالىق تۋرسەكتوردى قالپىنا كەلتىرۋ بويىنشا پيلوتتىق جوبانى ەنگىزۋ جاڭا شتاممنىڭ پايدا بولۋىنا بايلانىستى كەيىنگە شەگەرىلەتىنى اتاپ ءوتىلدى. العاشقى ءۇش ايدا دەنساۋلىق ساقتاۋ مينيسترلىگى مەن ۇلتتىق قاۋىپسىزدىك كەڭەسى باعدارلامانىڭ تيىمدىلىگىن باعالايدى.
ايتا كەتسەك, مالايزيا حالقىنىڭ 76%-دان استامى قازىردىڭ وزىندە تولىق ۆاكتسيناتسيالانعان.
