ءبىلىم • 02 جەلتوقسان، 2021

قازۇۋ ستۋدەنتتەرى ەلباسى تۋىپ-وسكەن اۋىلعا باردى

95 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتىندە ەل تاۋەلسىزدىگىنىڭ 30 جىلدىعى جانە تۇڭعىش پرەزيدەنت كۇنىنە وراي «تاۋەلسىزدىك بارىنەن قىمبات» ونكۇندىگى باستاۋ الدى.

پاتريوتتىق-تانىمدىق ءىس-شارا تاۋەلسىزدىك تاريحى جانە قازاقستاننىڭ قالىپتاسۋىنداعى قر تۇڭعىش پرەزيدەنتى–ەلباسى نۇرسۇلتان نازارباەۆتىڭ ەرەن ەڭبەگىن ايشىقتاۋ، جاستاردى وتانسۇيگىشتىككە باۋلۋ، تاريحي قۇندىلىقتاردى قاستەرلەۋ ماقساتىندا قولعا الىنعان ونكۇندىكتىڭ العاشقى كۇنى «ەلباسى جولىمەن» ەكسپەديتسياسىنىڭ مۇشەلەرى ەلباسى دۇنيەگە كەلگەن شامالعان اۋىلىنداعى تۇڭعىش پرەزيدەنتتىڭ «اتامەكەن» تاريحي-مادەني ورتالىعىنا بارىپ، ۇلت كوشباسشىسىنىڭ بالالىق شاعىنا ساياحات جاساپ، قىزمەتتىك جولىمەن تانىسىپ قايتتى.

ۇشقوڭىر تاۋىنىڭ ەتەگىندەگى شامالعان اۋىلى – نۇرسۇلتان ءابىش ۇلى نازارباەۆتىڭ كىندىك قانى تامعان مەكەن. ۇلت كوشباسشىسىنىڭ تاعىلىمدى ءومىر جولىن وسكەلەڭ ۇرپاققا پاش ەتەتىن «اتامەكەن» ورتالىعى 2017 جىلى بوي كوتەرگەن. تاريحي-مادەني ورتالىق ءتورت زالدان تۇرادى. الدىمەن ۋنيۆەرسيتەت ستۋدەنتتەرى ەلباسىنىڭ وقۋشى كەزىنەن باستاپ، ەڭبەككە ارالاسا باستاعان ساتىنەن سىر شەرتەتىن وتباسىلىق سۋرەتتەر مەن بىرقاتار جادىگەرلەردىڭ كوشىرمە نۇسقالارى ورنالاسقان ءبىرىنشى زالدان باستادى. بۇل بولمەدەن ءبىلىم الۋشى جاستار  نۇرسۇلتان نازارباەۆتىڭ بالالىق شاعىندا تۇرعان ۇيى مەن وقىعان مەكتەپتىڭ ماكەتىن تاماشالادى. ال ەكىنشىسى ەكسپوزيتسيالىق زال – ەل تاريحىنداعى ەرەكشە ماڭىزعا يە «تاۋەلسىزدىك كەزەڭىنە» ارنالادى. مۇندا ەلباسى ن.ءا.نازارباەۆتىڭ ايگىلى «تاريح تولقىنىندا» ەڭبەگىنەن الىنعان تسيتاتالار، تاۋەلسىزدىك العان جىلدارداعى ەڭ باستى ساياسي شەشىمدەر مەن رەسپۋبليكا اۋقىمىن قامتىعان ءىرى شارالاردان كورىنىستەر قامتىلعان. ءۇشىنشى زال – ەلىمىزدىڭ الەۋمەتتىك-ەكونوميكالىق دامۋىنا ارنالعان. بولمەنىڭ تۇتاس قابىرعاسىنا ەلباسىنىڭ «ەۋرازيا جۇرەگىندە» ەڭبەگىنەن الىنعان ۇزىندىلەر مەن بۇگىنگى قازاقستاننىڭ دامۋىن كورسەتەتىن فوتوتوپتامالار كوز تارتادى. سونداي-اق قازاقستاننىڭ تاۋەلسىزدىك جىلدارىنداعى اۋىل شارۋاشىلىعى، ءوندىرىس، مەديتسينا، سپورت جانە وقۋ-ءبىلىم مەن عىلىمداعى جەتىستىكتەرى بار. ورتالىقتىڭ ءتورتىنشى زالى ناعىز زاماناۋي تالاپقا ساي جابدىقتالعان. بولمەنىڭ ءدال ورتاسىندا عىلىمي كونفەرەنتسيا مەن باسقوسۋ جيىندارىنا ارنالعان دوڭگەلەك ۇستەل قويىلعان. زالدىڭ سول جاق قابىرعاسىنا ەلباسىنىڭ تمد ەلدەرى باسشىلارىمەن، ال وڭ جاق قابىرعاسىنا الىس-جاقىن شەتەل باسشىلارىمەن تۇسكەن سۋرەتتەر ىلىنگەن. شەتەل پرەزيدەنتتەرى سىيعا تارتقان كادە-سىيلاردىڭ باسىم بولىگىن وسى زالدان كەزدەستىرۋگە بولادى.  

1

– «ەلباسى جولىمەن» ەكسپەديتسياسى تۇڭعىش پرەزيدەنتتىڭ ءومىرى مەن ەڭبەك جولىن تەرەڭىنەن تانۋعا مۇمكىندىك بەردى. وسىنداي ساپار ۇيىمداستىرعان ۋنيۆەرسيتەت ۇجىمىنا العىسىم شەكسىز، – دەيدى 3-كۋرس ستۋدەنتى جەڭىسبەك ۇلاربەك.

شارا سوڭىندا قازۇۋ رەكتورىنىڭ كەڭەسشىسى مالىك وتارباەۆ ورتالىق ۇجىمىنا العىس ءبىلدىرىپ، ۋنيۆەرسيتەت اتىنان باعالى سىيلىقتار تابىس ەتتى.

«ەلباسى جولىمەن» اتالعان ەكسپەديتسياعا جامبىلتانۋشى عالىمدار، ءبىلىم الۋشىلار، وقىتۋشىلار مەن زيالى قاۋىم وكىلدەرى قاتىستى. ءار كۇنگە جوسپارلانعان باعدارلاما اياسىندا ەلباسىنىڭ « ۇلى دالا ۇلاعاتتارى»، پرەزيدەنت قاسىم-جومارت توقاەۆتىڭ «ون دەلاەت يستوريۋ» كىتاپتارىن تالقىلاۋ، «تاۋەلسىزدىك – 30» فلەشموبى، «تاۋەلسىزدىك تولعاۋى» پوەزيا ساعاتى، «بالالىق شاعىمنىڭ اسپانى» كينو كەشى، «قازاقستان تاۋەلسىزدىگى جانە تۇركى الەمى» حالىقارالىق عىلىمي-تاجىريبەلىك كونفەرەنتسياسى، ەل ەگەمەندىگىنە ارنالعان جيناقتاردىڭ تۇساۋكەسەر ءراسىمى،  «ەلىم مەنىڭ» جاستار پىكىرتالاسى، «كىتاپ FEST» جارمەڭكەسىن وتكىزۋ جوسپارلانىپ وتىر.

2 

 

الماتى

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار