ايماقتار • 01 جەلتوقسان، 2021

التاي ۇزدىكتەرى انىقتالدى

64 رەت كورسەتىلدى

التاي اۋدانىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «تاۋەلسىزدىك ۇرپاقتارى» اتتى جىل سايىنعى جاستار فورۋمى ءوتتى. فورۋمدا اۋدان جاستارىنىڭ اراسىنان شىققان ۇزدىكتەرى ماراپاتتالدى، دەپ جازادى Egemen.kz.

التاي اۋدانىنىندا العىر دا ءبىلىمدى، دارىندى دا تالانتتى جاستار كوپ. بۇگىنگى فورۋمدا اۋداننىڭ مەملەكەتتىك جاستار ساياساتىن جۇزەگە اسىرۋعا لايىقتى ۇلەس قوسقان ۇمىتكەرلەردىڭ ەسىمدەرى اتالدى. ارقايسىسىن اۋدان اكىمى جاننا اسقارقىزى قۇتتىقتاپ، جىلى لەبىزىن ءبىلدىردى.  

«جىلدىڭ جاستار كوشباسشىسى» نوميناتسياسىمەن وقۋ ۇزدىگى، ماسكەۋدەگى كرەملدەگى حالىقارالىق قايىرىمدىلىق كادەت بالىنىڭ قاتىسۋشىسى داريا توكارەۆا ماراپاتتالدى.

«جىلدىڭ جاس كەنشىسى» نوميناتسياسى ماشينيست، ۆولونتەر، جاستار كەڭەسىنىڭ مۇشەسى قانات قاشقىمباەۆقا بۇيىردى. ال «جىلدىڭ جاس مەديتسينا قىزمەتكەرى» نوميناتسياسى رومان تلەۋلەنوۆكە، «جىلدىڭ جاس پەداگوگى» ءادىلجان قادىلبەكوۆكە بەرىلدى. جىل كولەمىندە قۇقىق قورعاۋ قىزمەتكەرلەرى دە نازاردان تىس قالعان جوق. «جىلدىڭ جاس پوليتسەيى» نوميناتسياسىنا التاي اۋدانى پوليتسيا ءبولىمىنىڭ كينولوگيالىق قىزمەت توبىنىڭ كىشى ينسپەكتورى، كىشى پوليتسيا سەرجانتى سەرگەي كۋتسەۆ لايىقتى دەپ تابىلدى.

سونىمەن قاتار، «جاس كاسىپكەر»، «جاس شىعارماشىلىق قىزمەتكەر»، «جىلدىڭ جاس ەرىكتىسى»، «جىلدىڭ جاس قۇتقارۋشىسى» «جىلدىڭ جاس سپورتشىسى»، «جىلدىڭ ستۋدەنتتىك كوشباسشىسى» سىندى نوميناتسيا يەلەرى دە ماراپاتتالدى.

اۋداندا ابىرويلى ماراپاتقا يە بولىپ جاتقان جاس ۇزدىكتەر اۋدان باسشىلىعىنا ريزاشىلىقتارىن ءبىلدىرىپ، تۇڭعىش پرەزيدەنت كۇنىمەن قۇتتىقتادى. 

سوڭعى جاڭالىقتار

ۇقساس جاڭالىقتار