ايماقتار • 01 جەلتوقسان، 2021

الماتى مەتروپوليتەنى 8 جاڭا ەلەكتر پويىزىن ىسكە قوستى

35 رەت كورسەتىلدى

تاۋەلسىزدىكتىڭ 30 جىلدىعى، تۇڭعىش پرەزيدەنت كۇنى جانە الماتى مەتروپوليتەنىنىڭ 10 جىلدىعى قارساڭىندا 8 جاڭا ەلەكتر جىلجىمالى قۇرام پايدالانۋعا بەرىلدى، دەپ جازادى Egemen.kz.

وسىدان ون جىل بۇرىن، 2011 جىلعى 1 جەلتوقساندا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ قازاقستانداعى العاشقى جانە جالعىز مەتروپوليتەندى اشىپ، العاشقى جولاۋشى بولدى. سودان بەرى مەترو جۇمىسى ءبىر مينۋتقا دا توقتاعان جوق.

قۇرامنىڭ ۇزىندىعى – 77،8 م، ەڭ ۇلكەن تەحنيكالىق جىلدامدىعى - 90كم/ساع. تەمپەراتۋرا رەجيمى: تسەلسي بويىنشا -35، +40 گرادۋس.

4 ۆاگون قۇرامىنداعى جولاۋشىلاردىڭ سىيىمدىلىعى 940 ادامدى قۇرايدى. ءاربىر ۆاگون جىلىتۋ، جەلدەتۋ جانە اۋا باپتاۋ جۇيەسىمەن، جولاۋشىلار سالونىنىڭ فلۋورەستسەنتتى جارىقتاندىرۋىمەن جابدىقتالعان.

ۆاگوندار سونىمەن قاتار ىشكى جانە سىرتقى بەينەباقىلاۋ جۇيەسىمەن جابدىقتالعان. ءماشينيستىڭ كابينادان ۆاگونداردىڭ ىشىندەگى جانە سىرتىنداعى جاعدايدى بەينەباقىلاۋ جۇيەسى مونيتورىنىڭ كومەگىمەن باقىلاۋ مۇمكىندىگى بار.

بارلىق ۆاگوندار جولاۋشىلارعا ءبىر ۆاگوننان ەكىنشىسىنە قاۋىپسىز جانە ىڭعايلى ءوتۋدى قامتاماسىز ەتەتىن اشىق تيپتەگى (ارالىق ەسىكتەرسىز) كەڭ ۆاگونارالىق ءوتۋ جولدارى ارقىلى بىرىكتىرىلگەن.

ەلەكتر پويىزدارى جولاۋشىلار ءۇشىن دە، قىزمەت كورسەتۋشى پەرسونال ءۇشىن دە جوعارى قاۋىپسىزدىك پەن جايلى جاعدايدى، سونداي-اق ەنەرگيا تۇتىنۋدىڭ تومەندەتىلگەن دەڭگەيىن قامتاماسىز ەتەدى.

وڭتۇستىك كورەيالىق Hyundai Rotem كومپانياسى شىعارعان ۆاگوندار الماتى مەتروپوليتەنى ءۇشىن ارنايى ازىرلەنگەن. بۇگىنگى تاڭدا مەتروپوليتەندە 15 پويىز جۇمىس ىستەيدى.

10 جىل بويى مەتروپوليتەن تۇراقتى جۇمىس ىستەيدى، وزىنە جۇكتەلگەن مىندەتتەردى ورىندايدى.

سوڭعى جاڭالىقتار

«وميكرون» جەدەل تارالۋدا

الەم • بۇگىن، 08:23

ۇقساس جاڭالىقتار